Hahu husi loron 29 novembru too loron 01 desembru 2024, iha Sentru formasaun TOT João Paulo II comoro-Dili.
Loron 29 novembru 2024, nu’udar loron dahuluk ba programasaun Inspetoria TIN 2025, iha ne’ebé partisipantes hamutuk 55 pessoas entre Irmáns FMA, foinsa’e, kolaboradores no komunidade edukativa ne’ebé realiza iha centro TOT João Paulo II comoro-Dili. Sesaun dahuluk iha dader hahu ho orasaun hafoin kontinua ho liafuan makloke husi Ispetora Ir. Evangelina Xavier, FMA. Nia konvida atu hakiak fuan raronak nian hodi tau abut iha Maromak. Hafoin tuir kedas ho aprezentasaun dokumento final sínodo bispu sira nian husi Frei Joel Casimiro Pinto OFM, ne’ebé partisipa diretamente iha Assembleia ne’e ne’ebé hala’o iha Roma iha fulan outubru liu ba. Depois de aprezentasaun dokumentu sínodo, kontinua kedas ho aprezentasaun kona ba Talithakum ne’ebé hato’o husi irman Fabiola Simões, FMA, Estreia Reitor Mor ba tinan 2025 husi Ir. Ernestina de Jesus, FMA no aprezentasaun kona ba Bolla “Spes non Confundit” husi Ir, Julia Fernandes, FMA.
Iha parte daruak lokraik nian partisipantes sira fahe ba grupo neen, hodi reflete hamutuk iha grupo, hafoin hili liña assaun sira tuir modalidade tinan 2025. Hafoin kontinua hodi reza vésperas, rosario sinodalidade no taka ho filme.
30 novembru 2024, Loron daruak hahu ho Orasaun Laudes, Eukaristia santa ne’ebé prezide husi Amo Salesiano; Pe. Agnelo Morreira, SDB. Loron daruak kontinua servisu iha grupo hodi hili modalidade bazeia ba iha dokumentos sira hanesan: Estreia Rector Mor, Sínodo dos Bispos no Spes non Confundit. Kada dokumento grupo mak responsavel, servisu hamutuk ne’ebé fruak tanba envolve foinsa’e, kolaboradres no mos komunidade edukativa.
Iha parte lokraik nian servisu iha ambitu, ambitu ida-idak ho ninia membru hasoru malu hodi hare no planu atividade saida mak sei halo iha ambitu nia laran no mos oinsa bele servisu hamutuk ho ambitu seluk hodi fo ida-idak ninia kontribuisaun hodi servisu hamutuk iha Espiritu sinodalidade. Depois de servisu iha ambitu, grupo ida-idak aprezenta iha assembleia kona ba rezultadu do trabalho iha ambitu laran hafoin assembleia hare hamutuk, discerne hamutuk no deside hamutuk. Taka ho Vésperas I Domingo tempu advento nian.
01 dezembru 2024, loron ikus programasaun nian hahu ho Laudes, Eukaristia santa ne’ebé preside husi Amo Salesiano, Pe. Agostinho Soares, SDB. Hafoin assembleia hasoru malu fali hodi hare atividade sira ne’ebé sei realiza, se mak sei responsabiliza ba atividade ne’ebé no sei realiza iha sa data hodi tau kedas iha Kalendariu 2025 nian. Ikus taka ho Orasaun mandatu nian ne’ebé Ir. Evangelina Xavier, FMA mak dirije, tempu ne’ebé hanesan agradese ba partisipante ida-idak ninia partisipasaun ne’ebé ativu tebes hodi finaliza Programasaun Inspetorial ida ne’e. Programasaun remata ho foto hamutuk sai hanesan dokumentasaun ba Inspetoria no almoço hamutuk. Boa viagem no bom trabalho.
