Retiru preparasaun ba Natal professores Escola Maria Auxiliadora

Dili – Liutiha momentu aprendijazen, momentu passajen da classe no momentu eskrisaun nian iha dia 15 de Dezembru professores husi Pre-eskolar, Ensino Básico inclui FMA, no kolaboradores sira halo retiro, konfisaun, missa hodi prepara-an ba festa boot Natal nian.

Padre Andi Wibowo, SDB mak retret master. Padre ne’ebé ko’alia lia tetun oituan de’it maibé lian Indonesia mak barak, nakonu ho espiritu bom pastor nian, nia fahe retiru ba parte 3:

Intrudusaun hodi intrudus ninia identidade rasik nu’udar ema ida-ne’ebé mai husi familia sorin balun katóliku no sorin balun musulmanu, nia maun alin sira mós ida-idak moris tuir sira nia fiar ho relijiaun oioin, maski nune’e la taka dalan ba ninia fiar ba Jesus no ninia vokasaun salesiana.
Kebaikan Tuhan – Maromak nia laran-di’ak.

Maromak laran-di’ak hodi haraik talento no kapasidade boot ba imi hodi eduka labarik sira husi lahaten ba hatene, husi nakukun ba naroman, husi neon nurak ba maturidade, maibé imi labele hela de’it iha parte intelektual nian, tanba iha eskola barak mós bele hetan matenek … hanesan ne’e, imi ne’ebé iha eskola katólika no salesiana imi tenki eduka labarik no foinsa’e sira integral katak imi nia edukasaun tenki taka iha espiritual no sira nia moris moral nian, liu husi imi nia akompañamentu loron loron nian, imi nia moris hamutuk iha fatin hotu no buat hotu nune’e ikus mai sira aprende atu deside ba sira-nia an rasik no to’o sira-nia dalan santidade nian. Imi mos labele forma alunos sira iha parte espiritual de’it maibé mós forma sira nia karakter

Citra Guru Katolik/ Figura Edukador/a Katólika ida.

Padre dehan iha lingua Java : guru ne’e dehan diguguh, ditiru dan diteladani, hanesan dehan iha peribahasa ho lian Indonesia: Guru kencing berdiri murid kencing berlari… hakarak dehan saida????

Tuir imi nia hanoin se mak sei tama uluk iha lalehan? Laoos Guru/edukador sira? Tanba sira hanorin la bosok 1 + 1 = 2, lialoos, hamutuk ho ne’e padre mós foti pasajen husi Jesus Bibi atan di’ak nian hodi dehan; Jesus nu’udar mestre no Bibi atan di’ak, no mós ezemplo seluk wainhira Jesus fase nia eskolante sira nia ain. Nia la fase de’it maibé nia rein mós, hatudu ninia serbí no domin. Maski eskolante sira nia ain foer no dois. Ida-ne’e hatudu ezemplu di’ak ida. Domin ne’ebé totalitas. Jesus hanorin ninia eskolante sira , atu sira mos aprende husi nia no halo tuir. No haree fali história wainhira Jesus:” haksiak Pedro tan Pedro dehan:” labele ba Jerusalem”, Jesus mós fó hanoin ba nia kona-ba buat ne’ebé tenki halo. Nu’udar edukador Ita mos presiza fó hanoin buat ne’ebé tenki fó hanoin.

Durante Missa, iha omelia Padre fó hanoin kona-ba tempu adventu ne’ebé tama dadaun ba semana tolu, liliu kona-ba figura boot João Baptista nian, ne’ebé haraik an teb-tebes laoos nia mak roman maibé Kristu mak Roman, ita tenki sai hanesan João Baptista ne’ebé prepara nafatin dalan ba Jesus liuhusi ita-nia apredijazen sira. Padre hatutan tan, labele lori estudante sira ba ita-nia an rasik maibé tenki lori sira ba Jesus: hanesan João Bapstista ne’ebé la soi atu kompara nia an ho Jesus sa tan ita? Padre halo komparasaun ba ita ninia hahalok-sira ho Jesus, iha lian Indonesia:

JESUS ITU SEDIKIT-SEDIKIT BERDOA, KITA INI BERDOA SEDIKIT SAJA….