Editoriál: Entre kontinuidade no novidade
Ita tama iha faze foun Inspetoria nia moris nian enxerta iha Institutu nia moris, depoizde Kapítulu Jerál XXIII (Setembru-Novembru 2014), ne’ebé foti tiha Ir Paola Battagliola, inspetora husi 2009-2014 ba Konselleira jerál.
Atu tama iha faze foun ita hotu envolve an iha dixernimentu orante hodi halo leitura fiar-na’in nian kona-ba ita-nia realidade ho nia dezafiu sira no kualidade sira ne’ebé inspetora foun tenke iha atu hatán ba dezafiu sira-ne’e.
Ita hakruuk ba Maromak nia hakaran ne’ebé haraik mai ita Ir Alma Castagna nu’udar superiora foun ba Inspetoria. Hanesan nia dehan, ita “la inventa” dalan foun… ita kontinua dalan ita-nia Fundadór/a sira nian, dalan pioneira sira nian, animasaun husi ida-ne’ebé presede.
Husi parte seluk, ita mós loke an ba novidade ne’ebé Espíritu hakarak fó mai ita. liuhusi “Kapítulu Jerál 23 nia entrega” ne’ebé husu atu “haluan hateken” hodi sai ho “foin-sa’e sira misionária esperansa no ksolok nian”. Maski hasoru dezafiu oioin, husi li’ur no husi laran, dezafiu atu moris iha radikalidade, autentisidade no koerénsia Vida Konsagrada nian; dezafiu atu sai sasin kredivel no la’o bá to’o periferia juveníl ho laran-manas DMA nian, ita konfia katak ho fidelidade ba ita-nia abut no orijen, ba ita-nia identidade, ita sei sai kriativa iha ita-nia resposta sira.
Mai ita la’o bá oin ho ánimu foun iha Tinan Vida Konsagrada nian no ho Don Bosco nia paixaun ne’ebé joviál nafatin maski liu ona tinan atus rua nia moris nian. Konvite atu “haluan hateken” dehan mai ita dala ida tan atu konta ho leigu/a no foin-sa’e sira, ho Familia Saleziana tomak nia kbiit.
Bom caminho!
