Fulan Outubru, fulan ROZÁRIU nian, no loron ne’ebé selebra memória Beata Virjen Maria Rozáriu nian mak 7 Outubru.
Santu Rozáriu mak “Saltériu beatísima Virjen Maria nian”. Modu harohan nian ba Maromak ida-ne’e konsiste iha hahí Na’i-Feto hodi repete anju nia kumprimentu AVE MARIA! Uluk ita harohan dala 150 hanesan númeru salmu sira-nian, maibé ho Mistériu Roman nian, ita aumenta tan Ave Maria 50, nune’e sai Ave Maria 200.
REZA AVE MARIA HANESAN HALO KOROA AI-FUNAN ROZA NIAN BA NA’I-FETO.
Ho Rozáriu kompletu, ita fó ba Na’i-Feto Koroa ida Roza nian. ROZÁRIU forma husi KOROA HAAT no iha koroa ida-idak ita medita mistériu lima Jezús no Maria nia moris nian. Koroa dahuluk konsiste iha MISTÉRIU KSOLOK nian no ita harohan iha loron segunda no sábadu; koroa daruak mak MISTÉRIU ROMAN nian ne’ebé ita harohan iha loron kinta; Koroa datoluk mak MISTÉRIU DOLOROZU no ita harohan iha loron tersa no sesta; ikusnian, Koroa dahaat mak MISTÉRIU GLORIOZU no ita harohan iha loron kuarta no domingu.
