Dili – Iha loron 24 Jullu 2022, ho ksolok boot Komunidade konsege realiza kampu Mazzarello zona Dili nian iha Komunidade Balide.
Partisipante sira hotu hamutuk 129. Foinsa’e sira ne’e mai Parokia Komoro, Parokia Balide, Casa Divina Providensia no animador sira. Grupu 5. Grupu dahuluk Mazzarelli ne’ebé hakle’an konaba MM nia vida infansia ne’ebé Ir. Tania mak responsavel hodi aprezenta ba foinsa’e sira. Valponasca ne’ebé aprezenta husi Ir. Ermelinda kona-ba MM nia moris adolecente relasaun kle’an ho Maromak servisu iha to’os uvas nian. Parokia ne’ebé aprezenta husi Ir. Angelita kona-ba MM asaun karidade, katekeze no hadomi Eucaristia. Kolejiu no Roverno, aprezenta husi Ir. Honoria konaba realidade moris Kolejiu nian, iha ksolok, orasaun, sakrifisiu, simplesidade, karidade no domin ne’ebé fó moris.
Ambiente ne’ebé fó sasin halo foinsa’e sira sai buras virtude. Nizza Monferato aprezenta husi Ir. Esmeralda kona-ba Uma Geral ne’ebé muda husi Mornese ba Nizza. Iha ne’eba mak MM husik nia iis moris nian. Hafoin kada grupu ida-idak prepara drama no kanta tuir ida-idak nia kreatividade bazeia ba buat ne’ebé sira rona no aprende. Ikus nian ami taka ho selebrasaun Eukaristia ne’ebé prezide husi Pe. Agostinho Soares, SDB.
(Honoria Santos FMA)
