Dili – Iha loron 9 fulan Maiu 2017, komunidade S. José (Novisiadu) Comoro selebra Festa Ko-fundadora Santa Maria Domingas Mazzarello nian. Iha festa ne’e, nu’udar komunidade hola inisiativa hodi konvida, foin-sa’e feto no mane sira ne’ebé servizu direitamente ami, Irmã sira husi komunidade Eusebia, Divina Providensia no inklui mós komunidade tolu SDB nian (uma provincial, Post. Novisiadu no Pustek). Objetivu hodi iha Santa Misa no fraternidade ida ne’e mak, nu’udar familia Saleziana atu fahe ksolok no hametin espiritu familia nian, liuliu atu deskobre no koñese di’ak liután Madre Mazzarello nian.
Iha Festa ne’e Irmã no novisa sira prepara drama simples ida kona-ba primeira espedisaun misionaria Filhas de Maria Ausiliadora ba iha Amerika liuliu ba Uruguay ne’ebé mak tinan ida ne’e halo tinan 140. Objetivu hodi halo drama ida ne’e atu senbiliza formande (Novisia sira no ami FMA ida-ida nian) atu sai koxiente liután ba espíritu misionáriu Institutu nian.
(Lucia Pereira)
