Venilale – Iha solenidade Maria Imakulada Konseisaun nian, 8 Dezembru 2021, iha komunidade Maria Auxiliadora Venilale, ami selebra ho maneira solene iha selebrasaun Eukaristia neʼebé nakonu ho ksolok. Dadersaan ami hotu partisipa misa solene iha igreja, iha loraik irman no formande sira hotu mai festeja festa neʼe iha orfanatu. Programa simples neʼebé ami halao mak hanesan tuir mai neʼe:
Reza tersu hamutuk: iha tersu ida neʼe labarik sira mak anima, nuneʼe iha kada misteriu sira dramatiza pasagem Evangelho tuir misteriu ida-dak.
Depois de tersu iha aprezentaun simples kona ba selebrasaun aniversariu moris nian ba labarik orfaun sira husi fulan Outubru toʼo Dezembru no momento agrdesimento nian. Iha biban ida neʼe ami agradese ba orfaun 90 ano sira, aspirante nain 3, ir. Libania no mos ir. Maria Bernadina no ikus ami han hamutuk.
Liu husi selebrasaun simples ida neʼe fo hanoin mai ami atu manten tradisaun kongregasaun nian liu liu iha momentu festa sira katak la too deit iha selebrasaun espiritual nian maibe selebra mos ksolok fraternidade nian tuir fundador sira nia hanorin. Boa festa Nain feto Imakulada Konseisaun.
(Domingas da Silva FMA)
