PARABÉNS TIMOR-LESTE
Agostinha Magno & Zelia Lemos FMA
Laga 20 de Maio de 2023
Ba loron espesiál ohin nian komunidade Beata Laura Vicuña Laga Irmán sira no labarik interna sira selebra festa boot ba restaurasaun Indepedénsia Timor-Leste nian, ho maneira kompetisaun musikal: ino Nasionál (Pátria) no musika Nain feto Auxiliadora nian. Ho objetivu hodi onra ba heroi sira nebe luta hodi sosa rai ida nee ho sira nia moris rasik. Ho okaziaun hanesan agradese ba Maromak ba grasa Indepedência nian liu husi Nai feto nia intervensaun. Konkursu nee hala’o tuir grupu assosisaun komunidade nian mak: Anjo da Guarda( labarik kiik sira), Laura Vicuña, Don Bosco, Madre Mazzarello, Auxilium, Infansia Missionaria. Atividade ne’e tulun internato sira atu haburas liu tan fuan patrionizmo nian no hatene rekonese no agradese ba kmanek oin- oin ne’ebe Maromak haraik liu husi nain feto Maria; nudar Dom Bosco dehan”fiar iha Maria o sei hare’e saida mak milagre”.
