Dili – Iha loron 6/5/2017 Eskola Maria Auxiliadora celebra festa S.Domingos Savio; hahu ho santa misa, amo selebrante mak padre João Boavida SDB iha gym Eskola Maria Auxiliadora.
Festa S. Domingos Savio fo ton oinseluk tanba iha grupo Assosiasaun Domingos Savio ADS husi EBC Maria Auxiliadora aprenzenta an iha misa atu hahu sira nia formasaun; nune’e tinan oin mai sira pronto atu halo kompromisu.
Durante misa, iha homilia padre dezafiu estudante sira hodi husu perguntas oin oin
- Se mak hakarak haksolok nafatin?
- Se mak hakarak sai santo?
- Se mak hakarak ba Lalehan?
Nune’e Padre hahú dehan: ohin iha introdusaun ita rona istoria rua kona ba Domingos Savio, maibe ha’u hakarak fahe ho imi istoria seluk. Wainhira Domingos Savio tama iha oratorio Don Bosco nian, hanesan eskola imi nian ida ne’e, Domingos Savio hakarak sai santo hodi halo mortifika nia an hanesan tau fatuk musan iha sapatu laran, no ida seluk wainhira rai malirin nia taka lensol mihis no tau fatuk iha koleixaun okos atu bele haterus an hanesan Jesus no sai Santo lalais. Maibe Don Bosco dehan ba nia “ Santidade lolos mak halo didiak o nia knar sira ho tempu lolos, fatin los no mos bele haksoik, halimar, hakilar dansa, naran katak keta halo sala; no mos halo didiak o nia knar sira atu fo 
onra no Gloria ba Maromak.No Pdre dehan tan halo belun ho Jesus no Maria, tanba Domingos Savio iha belun boot rua mak Jesus no Nain feto Maria nune’e ksolok los mak ne’e tanba ha’u haree imi hotu fatu liman atu sai santu, ba Lalehan no halo tuir S. Domingos Savio nia moris.
Ikus nian remata ho orasaun ba Nain Feto hdi hanoin fulan Maria nian.
(Grinalda da Costa)
