loron 4 fulan fevereiru tinan 2025 Religioso/a,Konsagrado/Konsagrada,Frater,Novicias,Postulantes no sarani sira halibur hamutuk iha Catedral Dili hodi selebra loron Konsagrado/a sira nian.Iha Eukaristia Santa, Prezide husi Dom Virgilio do Carmo Cardeal, iha Dom Virgilio nia omilia, bolu fali atensaun ba konsagradu atu moris iha komunhaun no halibur hamutuk hanesan Igreja.
Cardeal nia Reflesaun tuir evangellu São Lucas sublinha katak nu’udar konsagrado/a,ita tenke banati tuir Simão nia virtude sira,ne’ebé hatene haraik-an no moris tuir Maromak nia hakarak ,Simeão ne’e ema los no ema ne’ebé serteza ba Maromak. Nia Fiar iha Maromak no Nia promessa sira ne’ebé dehan ba Simeão katak: “Nia sei la mate molok hare Maromak nia Maksoin” no Simeão hein ho esperansa katak Nia sei la mate molok hare Maromak nia Maksoin.
Bainhira Nain-Feto ho São Jose lori Jesus ba apresenta iha Jerusalem,Simão simu kosok oan iha nia liman hodi hahi agradese ba Maromak dehan “Na’I, oras ne’e Ita-boot husik ona ita atan ba iha damen,tuir ita liafuan basa ha’u nia matan hare ona ita Maksoin” Nune’e mos Konsagrado/a sira,ita tenke iha fiar ne’ebé metin ba Maromak hanesan Simeão.Maske Simeão hetan difikuldade oin-oin ne’ebé nia hasoru,maibe difikuldades sira ne’e la halo nia fiar nakdoko,maske katuas ona no matan ladun hare mos,maibe nia hein ho fiar boot atu hare Maromak nia Maksoin, uniku Simeão mak rekonese Jesus nu’udar Maromak nia Maksoin, maske iha ema matenek barak maibe,Na’I nia Espiritu horik iha Simeão tamba nia ema Justo no ema ne’ebe serteza ba Maromak.
Liafuan ikus husi Don Virgilio ba Religioso/a sira peregrina sinodalidade Esperansa nian.Nuudar Religiojo/a ne’ebe hela hamutuk iha Komunidade ida ita tenke servisu hamutuk atu sai Jesus ba ema seluk no lori kongregasaun ida ba oin, labele halai tuir mundu ohin loron ne’ebe dala ruma halo ita fo tempu barak liu ba telfone, lakon tempu barak iha media hodi asesu notisia ka informasaun ne’ebè inutil, hodi fo razaun katak serbisu barak no laiha tempu ba komunidade, la partisipa orasaun komunitaria no moris komunitaria tamba preokupa demais ho buat mundu nian. Ita tenke hanoin fali ita nia votus sira pobreza,castidade no obediensa, hodi moris tuir hanesan Jesus ne’ebe moris kiak , kiik ,no haraik-an.
Aspirante
