Baucau – Iha dia 03 de Setembro 2017 loron Domingo, iha seminar ba Assesora ou Animador Infância Missionaria sira parte zona Baucau nian ho nia tema mak: ‘’Primeira Espedisaun Missionaria 1400 iha rai Missaun Patogonia’’. Ba dahuluk hahu seminar ida ne’e realiza husi Ekipa Ambitu Misaun nian inklui Me. Veronika Kusnadi FMA, Me. Albina do Carmo FMA no Me Josefa de Sousa FMA.Partisipasaun ba seminar ida ne’e mak hanesan Ir. Sira ne’ebe responsabel ba animadora grupu Infância Missiónaria
husi Venilale, laga no Baucau ida-idak hamutuk ho ninia animador no animadora sira no mos resprezenta husi labarik Infância Missiónaria sira tuir komunidade ne’ebe refere. Ba primeira konferensia koalia kona ba estoria badak infancia Missionaria nian, oinsa hahu misaun labarik sira nian iha Kreda no iha mundo mak hanesan Iha sekulu XIX Kreda konsiente ba kbiit boot Infansia Missionaria nian nune’e hahu husu ba labarik sira atu sai protagonista ba Misaun Evanjelizasaun nian hodi haklaken Jesus ba labarik sira seluk. Nune’e Espiritualidade Infansia Missionaria sira nian mak : Esmola, orasaun, Sakrifisiu no Sasin. Obra ida ne’e hari iha loron 19 de Maio 1843. fundador mak: Bispo Carlos Forbin-Janson husi França. Ho ninia Moto mak : Labarik tulun labarik (children helping children) ho nia Objetivu mak :
- Eduka vida missionária iha labarik, Adolescentes no família sira; tamba ho missão mak sira sai sarani no naroman nia oan.
- Ativa iha sira, vida social sidadania no fiar na’in ho karakter respeita, karidade no Sasin Evangelho.Moris harmonia hanesan familia Cristaun no la iha diferença suco, raças, corres no kultura
- Labarik no adolocentes sira bele koñece malu no fahe experiência ba malu nudar maun, bin no alin.
- Hakiak Sentimentu sensibilidade ba ema kiak sira hodi halo aksaun no k
Segunda konferensia: koalia kona ba Aniversario tinan 1400 Espedisaun Missiónaria dahuluk Institutu Filhas de Maria Auxiliadora iha Rai Patagonia. Irman sira mak hanesan: Sr. Angela Valesse, Sr. Giovanna Borgna, Sr.Teresa Gedda, Sr.Terezinha Mazarello, sr. Angela Denegri no Sr. Angela Cassulo. Sira nia laran manas Missiónaria hodi habo’ot liu tan sasin moris nian liu husi Espíritu orasaun, Sakrifisiu, domin, pasiensia, Mortifikasaun no Laran luak hodi serbi Maromak Nia Reinu liu husi ema hotu-hotu ne’ebe Maromak entrega ba sira liu-liu sira ne’ebe kiik no kiak.
Ho ida ne’e hatutan liu tan hodi haré fila fali ba ita nia Institutu nia Origem mak Institutu ne’ebé Missiónaria nian, ba dala uluk mak hahu husi Irman nain ne’en nia saran aan tomak ba Maromak ne’ebé laran manas, nakonu ho gratidaun hodi hatan ho disponibilidade ba Maromak, hodi serbi nia reino iha Rai Misaun.
Husi seminar ida ne’e ami mos aprende haka’as aan atu bele imita tuir Irman sira nia laran manas Espíritu missionaria nian iha ami nia moris loron-loron nian.
Obrigada ba imi nia laran manas misiónario, husi lalehan tulun ami atu imita tuir imi nia saran an tomak ba Kristu no ba kiak no kiik sira!
(Martinha)
