Iha loron 5 /04/2025 kandidata sira husi OV too novicia sira, tuir ofisialmente seminar ne’ebe hala’o iha komunidade São João Bosco Balide. Oradora ba seminar ida ne’e mak irman. Fabiola Simões, FMA. Seminar ida ne’e ko’alia kona ba talitha kum, liafuan ida ne’e ninia fonte mak sita husi Maromak nia liafuan, husi Evanjellu Saun Joao nian ne’ebe dehan “Talithakum, menina hamrik ba” nune’e ho liafuan save ida ne’e hodi kompara no reflete fali ba feto no labarik idade menor sira ne’ebe sai nu’udar vitima ba trafiku humanu .
Talitha kum mak hanesan sapeu ida atu fo hanoin mai ita atu hafanu ema seluk ne’ebe iha trafiku humanu nia laran. Irman Fabiola hateten katak: trafiku humanu mak halo negosiasaun ho ema nia moris, ne’e kasu krime ida ne’ebe mosu entre nasaun sira . Objetivo husi asaun ida ne’e mak atu strumentaliza ema, em particular feto no labarik sira hodi halo sira sai prostituta,dala barak mak obriga no bosok atu oferese serbisu diak maibe iha realidade mak halo sira sai aat no sai atan, hodi serbisu bae ma boot sira hodi bele hatama osan ba patraun sira ba kazu ne’e.
Trafiku humanu mosu, it abele dehan tanba dalaruma inan aman sira faan nia oan sira tan razaun ekomiko familiar,buka servisu ka edukasaun ne’ebe mak limitadu, kaben ho idade ne’ebe mak sei ki’ik , halo violensia domestika no halo ema halai husi uma sai vitima trafika humanu.Trafiku humanu kontra direitu tanba obriga ema atu servisu ,halo violensia, la respeita ema nia direitu no hatun dignidade ita ema nia . Ema hira ne’ebe sai nu’udar autores ba trafiku humanu mak ida ne’ebe mak hirak ne’ebe partisipa iha asaun ne’e hodi suporta halao prosesu rekruta,lori sira, taka sira nia ibun no kesi sira nia liman atu labele book an hosi suspeito nia liman.Ikus liu madre dehan uza maneira oinsa atu hamenus trafiku humanu mak hanesan :
- Hasa’e edukasaun baze
- Muda mentalidade no keta hanoin atu bele sai riku lalais iha tempo badak nia laran
- Ajuda vitima sira akompanha atu hadame malu fali ho sira nia-an rasik no fo rendimento ka halo dalan tulun sira atu hetan osan bele tulun nia familia.
Ho oportunidade ida ne’e ami husu mos kandidata balun ninia sentimentu kona ba seminar ida ne’e:
- Novisia Flaviana dehan : nia sente haksolok ho seminar ida ne’e tanba bele oferese ba nia konesimento atu nune’e bele haklean fali ba ema seluk .Hau bele tulun fali foinsa’e sira atu kuidadu sira nia diginidade .
- Aspirante Sofia: iha seminar ida ne’e tulun ami atu oinsa ajuda ema hirak ne’ebe hasoru trafiku humanu , ami bele halo asaun konkretu ruma atu prevene difikuldades ida ne’e ho maneira simples tulun sira atu tau sira nia dignidade iha fatin aas, liu husi formasaun no akompanhamentu.
Post. Crecencia & Francelina
