Dili – Hanesan bai-bain iha uma Salesiana/FMA kuandu ferias uza tempu atu deskansa oituan maibé deskansa katak uza tempu atu haklean leitura espiritual ruma no mós troka servisu hanesan halo limpeza iha ambiente, komunidade no eskola , nune’e komunidade B.E.P. – Comoro mós uza tempu ferias atu pinta eskola, hamoos, fase nsst.
Nune’e iha dia 12-08-2016 foinsa’e sira ne’ebé halo kursus ba tinan ida iha CENTEC – Dom Bosco -Comoro, hamutuk nai 10 mane 7 no fet o 3 ho sira nia assistente Mestre ida mai pratika hodi halo servisu Mão de Obra hanesan tau Keramik iha parade EBC “MA”, servisu ne’e mós hanesan tulun mós ami nia komunidade iha manutensaun ne’ebé halo parte ferias nian, nune’e la disturba momentu eskola nian, foinsa’e hirak ne’e mai tau pratika saida mak sira aprende iha CENTEC iha tempu eskola ferias nian iha EBC”MA” Comoro.
Husi ne’e bele hatudu katak FMA no SDB la’os servisu hamutuk iha parte assistensia espiritual nia de’it m aibé mós iha servisu loro-loron nian.
Foin-sa’e hirak ne’e halo sira nia “treinu serbisu” ka “Pelatihan kerja” hodi preprara ba sira nia an ba futuru iha area de trabalho. Obrigada ba sira nia servisu no disponibilidade.
(Ir. Martinha, FMA)
