“Iha fulan misionáriu no marianu ida-ne’e, buat ne’ebé marka ho modu partikulár Kreda nia moris maka Tinan Fiar nian, ne’ebé Amu-Papa Bento XVI inaugura solenemente durante Eukaristiia selebra iha Prasa S. Pedro, loron kinta 11 Outubru 2012 no selebrasaun Asembleia Jerál Ordinária da-13 Bispu sira nian, ne’ebé hala’o husi loron 7 to’o 28 Outubru, kona-ba tema Evanjelizasaun foun ba fiar sarani nia tranzmisaun.
Ha’u-nia partisipasaun direta ba eventu sira-ne’e konstitui apelu ida ba Institutu tomak atu moris, iha komuñaun ekleziál kle’an, eventu singulár grasa nian ida-ne’e atu «deskobre filafali ksolok fiar nian no hetan filafali laran-manas atu komunika fiar» (Porta fidei, n. 7).
