Iha sentru Solenidade domingu ne’e nian mak selebrasaun kona-ba Maromak ne’ebé fó han ninia povu no liuhusi nia Oan Mane haraik ai-han aas liu no rohan-laek, katak Eukaristia.
Eukaristia katak orasaun hahín no agradesimentu nian, ne’ebé ita dirije ba Maromak hodi simu ninia domin, no atu esprime buat ne’e Eskritura uza liafuan rua: bensan (leitura dahuluk) no agradesimentu (leitura daruak).
Dimensaun rua ne’e liga metin ba malu no tenke horik iha ita-nia moris, atu fó sasin kona-ba domin ne’ebé Kristu iha ba ema sira (Evanjelu).
Solenidade Kristu nia Futar Isin no Raan mak festa Kristu nia AN nian. Bainhira ita foti matan ba Paun no Tua ne’ebé konsagra ona, ita bele dehan de’it: «Nia duni! Ha’u-nia Na’i no ha’u-nia Maromak».
