Iha loron 5 Agostu 2025, Reitór-Mor Salezianu Don Bosco nian, Pe. Fabio Attard, Aman no Sentru Unidade Família Saleziana nian, fó sai ona tema ba Streia tinan 2026:
“Halo buat ne’ebé nia dehan ba imi – Fiar-na’in sira, livre atu serbí.”
Hanesan Reitór-Mor fo hanoin hikas iha ninia aprezentasaun kona-ba tema, “Strenna maka oportunidade ida ba Família Saleziana tomak atu estabelese hamutuk kona-ba tema partikulár ida, atu nune’e—liuhusi orasaun no reflesaun, rona no kondivisaun—bolun ba grupu ida-idak rasik, bele hetan nutrisaun ba ninia dalan espirituál, karizmátiku no pastorál.”
Se esperansa maka tema sentrál Strenna 2025 nian (“Ankora iha Esperansa, Peregrinu ho Foin-sa’e sira”) iha Tinan Jubileu espesiál no ho aniversáriu ba dala 150 hosi espedisaun misionária saleziana dahuluk—”Ho ida ne’e ita deskobre fali oinsá, ba Don Bosco, kbiit esperansa nian jenera iha nia fuan korajen ida ne’ebé sustenta nia atu deskobre Maromak nia planu no determina kompromisu sira hodi iha prátika”—kondivisaun no reflesaun sira ne’ebé mai hosi Konsellu Konsultivu Mundiál Família Saleziana nian, ne’ebé halibur iha inísiu fulan Juñu 2025, foka ba virtude teolójika fiar nian:
“Se forsa esperansa nian harii iha fiar, moris ida ne’ebé tebes duni nakonu ho esperansa lori fila fali ba relasaun fiar ida ne’ebé kle’an no auténtiku liu ho Jezús, Aman nia Oan-Mane, halo an ba mane tan ita no kontinua prezente iha ita-nia leet ho kbiit Espíritu nian.”
Espresaun “Halo buat hotu ne’ebé nia dehan ba imi” foti husi pasajen bíblika festa kazamentu iha Kaná, husi Evanjellu João nian (João 2,1-11): “Maria nia liafuan ba atan sira iha Kaná (João 2,5) kontem pedagojia ida rona nian nune’e mós resposta nian. Pedagojia ida ne’ebé kontraste kada forma ba obediensia pasivu. Maria laos simplesmente ‘obedese,’ maibé konvida ba rona pesoál ida, ativu no proativu: buat ne’ebe maka nia dehan ba imi.’ Ida-ne’e maka konvite ida atu laran metin iha Kristu nia pesoá, konfiansa ida ne’ebé sai nu’udar jestu ida responsabilidade nian ne’ebé iha nia fatin jenera liberdade auténtiku.”
Invezde Subtítulu—”Fiar-na’in sira, livre atu serbí“—”kompleta imajen hodi trasa trajetória ezistensiál ida: hosi fiar mak mosu liberdade, hosi liberdade mak mosu servisu, katak, liberdade ida ne’ebé—ita rasik moris—halo ema seluk sai livre.”
Hodi aprezenta tema 2026 nian, Reitór-Mor oferese hanoin balun ne’ebé sei dezenvolve liután iha Strenna, inklui dimensaun komemorativa aniversáriu ba dala 150 Kooperadór Salezianu sira-nian, aniversáriu ida ne’ebé “la’ós de’it lembransa pasadu nian maibé mós relansamentu ida ba futuru”.
“Don Bosco”, nia hanoin hikas iha ninia konkluzaun sira, “husi inísiu ‘imajina’ movimentu boot ema sira-nian ne’ebé, hamutuk ho nia no hanesan nia, bele kontribui ba foin-sa’e sira-nia di’ak. Di’ak, ida-ne’e maka Don Bosco nia mehi ne’ebé kontinua to’o ohin loron. Selebrasaun tinan 150 Kooperadór Salezianu sira-nian hametin iha ita hotu nia determinasaun atu sai atan ba imi-nia povu sira dezafiu sira ohin loron nian.
Determinasaun ida-ne’e fó sasin kona-ba ita-nia resposta fiél no laran-luak ba liafuan sira ne’ebé Maria dirije mai ita ohin: ‘Halo buat hotu ne’ebé nia dehan ba imi.’
Testu iha tetun :https://www.fmatin.org/wpn/download-category/reit-r-mor/
Fonte: https://www.cgfmanet.org/ifma/150-istituto-fma/tema-della-strenna-2026/
