Dili – Ho ksolok no entuziasmo Irmán no Novisa sira iha komunidade Novisiadu São José prepara-an simu Madre Provinsial ne’ebe halo vizita kanónika iha loron 13 Abril, iha oras tuku 09.00 dader. Novisa sira simu Madre ho dansa, hafoin hamutuk ho Irmán sira hananu kantu Benvinda nian. Tuir mai ba Kapela halo orasaun hamutuk no kontinua kedas ho konferensia abertura vizita nian.
Iha vizita kanónika Inspetora sei vizita pelumenus tinan ida dala ida uma sira inspetoria nian, atu promove komuãun iha espiritu familia, fidelidade ba konstituisaun no vitalidade iha obra sira. No mos sei rona ho fuan no laran irman ida-idak no ofersee ba sira tulun ne’ebé presiza. Nune’e , iha klima semana Santa nian ne’e mak tempu ne’ebé furak liu, tempu grasa nian ba membru komunidade hotu tamba hotu-hotu kompletu iha uma atu selebra Paskua iha tempu hanesan hetan oportunidade atu hasoru malu ho Madre Provinsial no ida-idak sei fo sai nia ksolok no preokupasaun sira ba Madre. Nune’e bele simu tulun ne’ebe adekuadu ba halao moris iha tempu tuir mai. Irmán sira mos sei loke-en ba Madre no simu nia tulun sira presiza atuhalao dalan vokasaun Saleziana nian ne’e ho ksolok no entuziasmu.
Loron tuir mai Madre hasoru mos irmán sira no komunidade Edukativa. Atu rona sira aprezenta projetu komunidade nian. Madre sei hela loron ruma hamutuk ho Irmán sira, fo tempu atu rona irman ida-idak. Komunidade tomak saran vizita ne’e Nain Feto Auxiliadornia liman, atu nain Feto akompaña iha tempu hotu.
(Noemia de Deus)
