Dili – Enkontru transmisaun verifika trienale Thailandia, ba zona Dili no Kailaku, hala’o iha loron 24 fulan Marsu 2018, iha sentru formasaun João Paulo II, Comoro Dili, hahu tuku 8.30 too remata tuku 02.00 OTL. Partisipantes mak irman sira deit, hamutuk ema 20, husi komunidade Novisiadu, Eusebia, Saun João Bosco Balide no Divina Providensia, husi Komunidade Beata Romero Kailaku la marka prezensa.
Iha momentu dahuluk, madre provinsial aprezenta motivasaun husi transmisaun ida ne’e mak atu ita markar passu/ lao ba oin ho forsa vital. no madre hatutan mos kona esperiensia ne’ebé sira hasoru durante verifika, iha enkontru ne’e ezije atu troka oituan metodolojia, buat barak lao lalais tan esperiensia tiha ona iha nivel inspetoria. Aleinde ne’e madre hato’o mos kona ba leigu balun nia hanoin kona ba verifika triennale ida ne’e, buat ne’ebé leigu sira espresa mak “ Hamutuk ita bele” katak presiza serbisu no kolabora hamutuk ho FMA, komunidade Edukativa, hanesan naroman no forsa hodi serbi ita nia foinsa’e sira. Iha parte balun ami sita mos Madre Jeral nia liafuan ne’ebé hato’o ba partisipante sira, “ fo korajen no responsabilidade, atu halao misaun, haburas nafatin komunidade Edukativa, presiza assume atitude badinas, nakloke-an, umildade, responsabilidade, pasiensia, haraik-an no brani atu haklaken”. Depois de madre provinsial aprezenta tiha kona ba kondisaun, hilin no prosesu sira, fo kedas tempu ba irman ida-idak atu reflete liu-liu kona ba prosesu sira no aleinde ne’e, fahe ba grupo-grupo atu sharing, hili prosesu ida-ida ba hilin ida hafoin fo proposta rua ba kada hilin prosesu nian. Hanesan buat ne’ebé ami fahe iha grupo balun, ne’ebé propoen sira nia proposta oi-oin, ezemplu halo Workshop kona ba “ hakbiit konversaun pessoal no autoformasaun”, orasaun hamutuk (TZ, Lectio), seminar regular kona ba sistema preventivu, grupo ida-idak hato’o sira nia prosesu no proposta tuir ideia grupo nian. Depois de sharing iha grupo, hotu-hotu fila fali ba assembelia hodi aprezenta, no ikus liu taka hodi han meiodia hamutuk.
Ne’e mak informasaun badak ne’ebé ami hetan iha enkontru transmisaun verifika Trienale, Thailandia. obrigada wain.
(Maria Sarmento Guterres)
