Enkontru formativu ba irmán juniora FMA sira hotu ne’ebé hala’o ohin 22 Juñu, dirije husi ir Aurora, ekónoma provinsiál sai hanesan fafanun ida ba ita-nia vokasaun, tanba tema pobreza kontinua lian husi nivel jerál eh Institutu nian. Urjente tebes duni!
Pobreza, kondisaun fundamentál ba ita-ni avokasaun ne’ebé labele falta, atu sai ema livre hodi dedika an tomak ba Maromak nia misaun.
Iha enkontru ne’e fasilitadora fahe esperiénsia barak, maibé liuliu fó servisu individuál no grupu nian atu reflete no fahe. Infelizmente, ita hotu hatene saida maka ita tenke halo maibé dala barak ita buka ka inventa nesesidade sir ano buka dalan oioin atu satisfás.
Don Bosco no Madre Mazzarello nia esperiénsia sai lalenok ba ita atu kontinua pratika pobreza se ita hakarak atu kongregasaun ba oin no buras, hanesan sira rasik moris no hameno. Jezús ninia kakiak halo umanidade riku iha grasa salvasaun nian. Ita nia kakiak bele hariku joven sira se ita barani nafatin hakohak nia.
