Cailaco – Iha 27/8/2018, ho ksolok boot komunidade Beata Maria Romero hamutuk ho komunidade edukativa simu Me. Alma ne’ebé halao nia vizita kanónika durante loron haat.
Iha biban ida ne’e Me. Alma hasoru grupo kategorias sira hanesan: ADMA, foin-sa’e sira husi kursu komputador no suku, Oratorianu sira, OPIAM no grupu vokasional.
Ho enkontru hirak ne’e nu’udar okaziaun ida atu hametin liutan relasaun ne’ebé diak atu bele serbisu hamutuk iha misaun edukativa foinsa’e no labarik sira nian.
Vizita kanónika mos nu’udar momentu grasa nian, tanba ho prezensa ida ne’e bele hare no esperiensia ho modun konkretu irman sira nia moris no apostoladu nune’e bele oferese tulun ne’ebé relevante tuir nesesidade.
Iha loron ikus vizita nian nia hasoru malu ho ADMA sira hafoin mak foin-sa’e hamutuk ho labarik sira agradese Me. Alma liu husi kanta, dansa no fashion show ne’ebé aprezenta husi menina sira ne’ebé tuir kursu suku.
Obrigada barak Madre Alma ba simplisidade no disponibilidade hodi dedika tempu atu bele hasoru ami, rona ami no liu-liu liafuan sira ne’ebé ita tatoli hela mai ami. Ami kontinua reza ba madre atu hetan nafatin grasa no bensaun Maromak nian atu bele Guia ita nia ispetoria tuir Maromak nia hakarak. Dala ida ida tan OBRIGADA BA BUAT HOTU.
(Albina do Carmo)
