Jakarta (Indonesia) – Madre Alma ninia vizita iha komunidade Regina Pacis hahu husi loron 16-23 Abril 2016. Tema ba vizita ida nee mak : “O hatene karik Maromak nia presente…” (Jo,4,10) feto samaritana nia dialogo ho Jesus. Ami hili tema ida ne’e atu fo hanoin mai ita tinan miserikordia no mós madre Alma nia prezensa iha ami nia komunidade nu’udar Maromak nia prezensa. Iha domingo loron 17, nu’udar loron mundial ba vokasaun Madre Alma hasoru Akolistus feto sira iha komunidade. Iha hasoru malu ida ne’e, madre Alma konvida foin-sa’e feto sira ne’e sai hanesan Don Bosco no Madre Mazzarello, kontinua mehi ba futuru no loke an ba Maromak.
Ami agradese ba Maromak tanba ninia vizita ida ne’e kontinua hamanas ami nia laran manas apostoliku ho ami nia kna’ar loron-loron nian. Nia liafuan no enkontro pesoal no komunitaria riku teb-tebes. Tulun ami atu tama kle’an liutan iha Maromak nia domin no nia laran sadia. Haraik aten brani mai ami atu hakat liutan ba sira ne’ebé presiza no liu-liu kolabora ho leigu sira iha ami nia bairo sunter Indah ida ne’e.
Iha ami nia festa agradesimentu nia mos atu hakarak hatudu ami nia haka’as an sira atu harii paz no Maromak nia laran sadia nian iha komunidade no ho sira ne’ebé ami hasoru loron-loron iha ami nia moris.
Obrigada barak madre Alma ba ita nia semplisidade, ami apresia tebes ita nia prezensa ho ami durante loron hirak ne’e. Grazie, Thank You, Terima Kasih.
(Luisa Fernandes)
