Jakarta – Iha tinan ida ne’e,festa Don Bosco no festa Parókia St. Yohanes Bosco Sunter -Jakarta riku tebe-tebes ho atividade sira signifikativu. Hahú loron 30 de Janeiru dader tuku 6.00 ho Jalan “Jalan santai” husi suku-suku sira ne’ebé hola parte iha Parókia ho ninia membru sira, inklui Irmán sira komunidade FMA no SDB Jakarta. Iha lokraik tuku 17.30 iha misa Festa Don Bosco ba Família Saleziana taka ho han hamutuk no mensajen festa Don Bosco nian husi Reitór-Mór Don Angel Fernandez Artime, SDB, atu fó buat ne’ebé di’ak ba ita nia maluk sira ne’ebé presiza liu ita nia tulun. Iha dia 31 misa Solene festa Don Bosco selebra husi Amu-Bispu Ignatius Suharyo. Iha nia omilia foti husi Leitura misa nian no husi tema Festa Parókia nian “WE are FUN, We are ONE”, ita haksolok tanba ita hamutuk. Mensajen Evanjellu nian Amu-Bispu hateten katak mundu ohin nian dala barak mak monu ba tentasaun atu sai boot, tendénsia kompetisaun nian, hakarak atu manan maibé Don Bosco fó hatudu modelu haraik an, sai nu’udar ida ne’ebé serbi, serbi labarik kiak no ki’ik sira ne’ebé presiza liu tulun.
Amu-Bispu mos hato’o ninia Parabéns ba Família boot Kongregasaun Saleziana ne’ebé kontinua fó an tomak hodi tuir 
Don Bosco nia ain-fatin.
Remata misa Amu-Bispu Ignatius Suharyo Fo Bensaun ba aula foun iha Aula St. Domingos Savio atu hatan ba labarik sira handicap eh aleijadu sira nia presiza espesiál. Amu-Bispu haksolok tebes tanba Parókia ninia preokupasaun ba sira ne’ebé kbiit-laek, nu’udar kontribusaun ida ba Keuskupan Agung Jakarta. Remata bensaun Aula foun kontinua ninia prezensa hodi han hamutuk hodi halo festa hamutuk no membru sira parókia nia. Agradese ba Amu-Bispu ninia laran-di’ak no ninia suporta ba misaun Kongregasaun Saleziana iha Jakarta.
(Luisa Fernandes)
