{"id":12234,"date":"2018-07-29T14:11:52","date_gmt":"2018-07-29T12:11:52","guid":{"rendered":"http:\/\/www.fmatin.org\/wpn\/?p=12234"},"modified":"2018-07-29T14:11:52","modified_gmt":"2018-07-29T12:11:52","slug":"ita-labele-sai-espetador-deit-haree-ema-nia-hamlaha","status":"publish","type":"post","link":"https:\/\/www.fmatin.org\/wpn\/ita-labele-sai-espetador-deit-haree-ema-nia-hamlaha\/","title":{"rendered":"Ita labele sai espetad\u00f3r de\u2019it haree ema nia hamlaha"},"content":{"rendered":"<p><em>Maun no biin-alin sira, bondia!<\/em><\/p>\n<p>Imi barani duni ho loron ida hanesan ne\u2019e! Parab\u00e9ns!<\/p>\n<p>Evanjellu ohin nian (kf Jo 6,1-15) aprezenta narrasaun multiplikasaun paun no ikan sira-nian. Haree ema lubun boot ne\u2019eb\u00e9 tuir Nia iha bee-lihun Tiberi\u00e1des, Jez\u00fas diriji ba ap\u00f3stolu Filipe no husu: \u00abIha-ne\u2019eb\u00e9 ita bele sosa paun atu ema sira-ne\u2019e bele han?\u00bb (v. 5). Osan uitoan ne\u2019eb\u00e9 Jez\u00fas no ap\u00f3stolu sira soi, defaktu, la to\u2019o atu halakon ema lubun boot nina hamlaha. No nune\u2019e Andr\u00e9, sira Na\u2019in Sanulu-Resin-Rua ne\u2019e ida, lori ba Jez\u00fas labarik mane ida ne\u2019eb\u00e9 tau iha dispozisaun buat ne\u2019eb\u00e9 nia iha: paun fuan lima no ikan rua; maib\u00e9 konserteza \u2013 Andr\u00e9 hateten \u2013 la\u2019\u00f3s buat ida ba ema lubun boot ne\u2019e (kf v. 9) Bravo labarik mane ida-ne\u2019e! Barani. Nia m\u00f3s haree ema lubun boot, no haree ninia paun fuan lima. Nia dehan: \u201cHa\u2019u iha buat sira-ne\u2019e,: se serve, ha\u2019u tau iha dispozisaun\u201d. Labarik mane ne\u2019e halo ita hanoin\u2026 Barani ida-ne\u2019e\u2026 Foin-sa\u2019e sira hanesan ne\u2019e duni, iha barani. Ita tenke tulun sira lori ba oin barani ida-ne\u2019e. Maski nune\u2019e Jez\u00fas f\u00f3 orden ba eskolante sira atuhalo ema sira tur, hafoin nia foti paun no idan sira-ne\u2019e, agradese Aman no fahe ba sira (kf v. 11), no sira hotu iha hah\u00e1n to\u2019o bosu. Hotu-hotu han buat ne\u2019eb\u00e9 sira hakarak.<\/p>\n<p>Ho p\u00e1jina evanj\u00e9lika ida-ne\u2019e, liturjia lori ita atu keta hasees ita nia matan husi Jez\u00fas ne\u2019eb\u00e9 domingu kotuk, iha Evanjellu Marcos nian, haree tiha \u00abema lubun boot, sente kompaixaun ba sira\u00bb (6,34). Labarik mane paun fuan lima nian m\u00f3s komprende kompaixaun ida-ne\u2019e, no dehan: \u201cKuitadu ba ema sira-ne\u2019e! Ha\u2019u iha buat ne\u2019e\u2026\u201d. Kompaixaun lori nia atu bele oferese buat ne\u2019eb\u00e9 nia iha. Defaktu ohin Jo\u00e3o hatudu hikas mai ita Jez\u00fas ne\u2019eb\u00e9 atensaun ba ema nia nesesidade prim\u00e1ria sira. Epiz\u00f3diu mosu husi faktu konkretu ida: ema sira hamlaha no Jez\u00fas envolve ninia eskolante sira atu bele habosu ema nia hamlaha. Ida-ne\u2019e mak faktu konkretu. Ba ema lubun boot, Jez\u00fas la limita an de\u2019it atu oferese ida-ne\u2019e \u2013 Nia oferese ninia Liafuan, ninia konsolasaun, ninia salvasaun, no ikusmai vida \u2013, maib\u00e9 konserteza Nia m\u00f3s halo ida-ne\u2019e: nia iha atensaun ba ai-han isin nian. No ita, ninia eskolante sira, labele halo finji la hatene buat ida. Hodi rona de\u2019it pedidu simples sira ema nian no hodi tau an iha sira-nia sorin, iha sira-nia situasaun ezistensi\u00e1l konkreta sira mak ema bele rona ita bainhira ita ko\u2019alia kona-ba val\u00f3r superi\u00f3r sira.<\/p>\n<p>Maromak nia domin ba umanidade ne\u2019eb\u00e9 hamlaha ba paun, liberdade, justisa, dame, no liuliu ba ninia grasa divina, nunka nahas. Jez\u00fas kontinua ohin loron m\u00f3s atu habosu ema, atu nia An sai prezensa moris no konsolasaun nian, no nia halo ida-ne\u2019e liuhusi ita. Tanba ne\u2019e, Evanjellu konvida ita atu sai disponivel no badinas, hanesan labarik mane ne\u2019eb\u00e9 haree katak nia iha paun lima no dehan: \u201cHa\u2019u f\u00f3 buat ne\u2019e, depois \u00f3 mak haree b\u00e1\u2026\u201d. Hasoru ema barak nia hakilar hamlaha nian \u2013 \u201chamlaha\u201d oioin \u2013 maun no biin-alin barak iha parte hotu mundu nian, ita labele sai espetad\u00f3r de\u2019it ne\u2019eb\u00e9 haree husi dook no hakmatek. Kristu nia an\u00fansiu, paun moris roahn-laek, husu empe\u00f1u solidariedade jenerozu ba ema kiak sira, ema fraku sira, ema ikus sira, ema sira ne\u2019eb\u00e9 la defende an. Asaun prosimidade no karidade nian ida-ne\u2019e mak avaliasaun di\u2019ak liu kona-ba ita-nia fiar nia kualidade, iha nivel peso\u00e1l nune\u2019e m\u00f3s iha nivel komunit\u00e1riu.<\/p>\n<p>Hafoin, iha narrasaun nia rohan, Jez\u00fas, bainhira hotu-hotu bosu ona, dehan ba ninia eskolante sira atu halibur baluk sira ne\u2019eb\u00e9 naresin: \u00abImi halibur tiha baluk sira ne\u2019eb\u00e9 resin, atu labele lakon buat ida\u00bb (v. 12). Ha\u2019u hanoin ba ema sira ne\u2019eb\u00e9 hamlaha no ba ema sira ne\u2019eb\u00e9 iha hah\u00e1n naresin no ita soe\u2026 Ema ida-idak hanoin b\u00e1: ahah\u00e1n ne\u2019eb\u00e9 resin iha almosu han meiudia, iha han kalan, b\u00e1 iha ne\u2019eb\u00e9? Iha ha\u2019u-nia uma, halo saida ho hah\u00e1n ne\u2019eb\u00e9 resin? Soe? Lae. Se \u00f3 iha toman ida-ne\u2019e, ha\u2019u f\u00f3 konsellu ida ba \u00f3: ko\u2019ali aho \u00f3-nia av\u00f3 sira ne\u2019eb\u00e9 moris depoizde funu, no husu ba sira saida mak sira halo ho hah\u00e1n resin. Keta soe hah\u00e1n resin. Halo fia fali ka f\u00f3 ba ema ne\u2019eb\u00e9 bele han, ba ema ne\u2019eb\u00e9 presiza. Nunka soe hah\u00e1n resin. Ida-ne\u2019e mak konsellu ida no ezame ida konxi\u00e9nsia nian: halo saida ho hah\u00e1n ne\u2019eb\u00e9 resin?<\/p>\n<p>It ahrohan ba Virjen Maria, atu iha mundu bele f\u00f3 import\u00e1nsia liu ba programa sira dedika ba dezenvolvimentu, ai-han, solidariedade, no la\u2019\u00f3s ida \u00f3diu nian, kilat nian no funu nian.<\/p>\n<p>Remata bensan:<\/p>\n<p>No imi keta haluha buat rua: ilas ida, \u00edkone ida, no fraze ida, pergunta ida. \u00cdkone foin-sa\u2019e barani ne\u2019eb\u00e9 f\u00f3 buat uitoan atu habosu ema lubun boot. Aten-barani b\u00e1, sempre. No fraze, ne\u2019eb\u00e9 loloos pergunta ida, ezame ida konxi\u00e9nsia nian: halo saida ho hah\u00e1n ne\u2019eb\u00e9 resin? Obrigadu!<\/p>\n","protected":false},"excerpt":{"rendered":"<p>Maun no biin-alin sira, bondia! Imi barani duni ho loron ida hanesan ne\u2019e! Parab\u00e9ns! Evanjellu ohin nian (kf Jo 6,1-15) aprezenta narrasaun multiplikasaun paun no ikan sira-nian. Haree ema lubun [&hellip;]<\/p>\n","protected":false},"author":1,"featured_media":12235,"comment_status":"closed","ping_status":"closed","sticky":false,"template":"","format":"standard","meta":{"jnews-multi-image_gallery":[],"jnews_single_post":[],"jnews_primary_category":[],"jnews_social_meta":[],"jnews_override_counter":[],"footnotes":""},"categories":[13],"tags":[134,855,1044],"class_list":["post-12234","post","type-post","status-publish","format-standard","has-post-thumbnail","hentry","category-husi-kreda","tag-angelus","tag-cl38-kreda","tag-milagre-multiplikasaun-paun-no-ikan"],"_links":{"self":[{"href":"https:\/\/www.fmatin.org\/wpn\/wp-json\/wp\/v2\/posts\/12234","targetHints":{"allow":["GET"]}}],"collection":[{"href":"https:\/\/www.fmatin.org\/wpn\/wp-json\/wp\/v2\/posts"}],"about":[{"href":"https:\/\/www.fmatin.org\/wpn\/wp-json\/wp\/v2\/types\/post"}],"author":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/comments?post=12234"}],"version-history":[{"count":0,"href":"https:\/\/www.fmatin.org\/wpn\/wp-json\/wp\/v2\/posts\/12234\/revisions"}],"wp:featuredmedia":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/media\/12235"}],"wp:attachment":[{"href":"https:\/\/www.fmatin.org\/wpn\/wp-json\/wp\/v2\/media?parent=12234"}],"wp:term":[{"taxonomy":"category","embeddable":true,"href":"https:\/\/www.fmatin.org\/wpn\/wp-json\/wp\/v2\/categories?post=12234"},{"taxonomy":"post_tag","embeddable":true,"href":"https:\/\/www.fmatin.org\/wpn\/wp-json\/wp\/v2\/tags?post=12234"}],"curies":[{"name":"wp","href":"https:\/\/api.w.org\/{rel}","templated":true}]}}