{"id":26547,"date":"2023-06-23T00:00:38","date_gmt":"2023-06-22T22:00:38","guid":{"rendered":"https:\/\/www.fmatin.org\/wpn\/?p=26547"},"modified":"2023-06-23T00:00:38","modified_gmt":"2023-06-22T22:00:38","slug":"saun-jose-cafasso-diretor-espiritual-no-mestre-don-bosco","status":"publish","type":"post","link":"https:\/\/www.fmatin.org\/wpn\/saun-jose-cafasso-diretor-espiritual-no-mestre-don-bosco\/","title":{"rendered":"Saun Jos\u00e9 Cafasso: diret\u00f3r espiritu\u00e1l no mestre Don Bosco nian"},"content":{"rendered":"

Serbisu iha nonok, Padre Cafasso realiza apostoladu estraordin\u00e1riu ida hodi kombate erru sira \u00e9poka nian; nia sai pontu refer\u00e9nsia ida ba amlulik sira-nia formasaun.<\/strong><\/em><\/p><\/blockquote>\n

\"\"<\/a>Jos\u00e9 Cafasso moris iha Castelnuovo d\u2019Asti (ohin Castelnuovo Don Bosco) iha 1811. Ninia feton ida sai inan ba santu seluk, Saun Jos\u00e9 Alamano, fundad\u00f3r komunidade Padre sira Consolata nian.<\/p>\n

Husi ki\u2019ik kedas ema sira nia sidade nian bolu Jos\u00e9 \u2018Santeto\u2019, tanba ninia atrasaun ba virtude no sas\u00e1n santu sira.<\/p>\n

Ho tinan 16 nia tama semin\u00e1riu no ba dala uluk hatais sotaina. Don Bosco, ne\u2019eb\u00e9 hasoru nia iha idade ne\u2019e hateten: \u201cNia ain-badak, matan nabilan, hatudu laran-di\u2019ak no oin hanesan anju\u201d.<\/p>\n

Enkontru providensi\u00e1l ho Saun Jo\u00e3o Bosco<\/h4>\n

Don Bosco haree nia iha odamatan igreja ninia sidade nian, durante espozisaun ida, no impresionadu ho joven seminarista ne\u2019e nia apar\u00e9nsia, hakarak ko\u2019alia ho nia. Nia propoin atu hatudu ba nia espet\u00e1kulu ruma feira nian. No haktuir epiz\u00f3diu ida-ne\u2019e ho modu nune\u2019e:<\/p>\n

\u201c[Jos\u00e9 Cafasso] halo sin\u00e1l mai ha\u2019u atu hakbesik, no hah\u00fa husu ha\u2019u-nia idade, ha\u2019u-nia estudu; se ha\u2019u halo ona Primeira Komu\u00f1aun; ho freku\u00e9nsia s\u00e1 loos mak ha\u2019u konfesa; ha\u2019u ba katesizmu iha-ne\u2019eb\u00e9, no buat seluk hanesan. Ha\u2019u hakfodak ho ninia maneira edifikante atu ko\u2019alia; ha\u2019u hat\u00e1n ho ksolok ba ninia pergunta hotu; depois, kuaze atu agradese ninia afabilidade, ha\u2019u repete ha\u2019u nia oferesimentu atu akompa\u00f1a nia vizita espet\u00e1kulu ka novidade.<\/p>\n

\u2014 Belun doben \u2014 nia dehan \u2014, amlulik sira-nia espet\u00e1kulu mak funsaun sira igreja nian! Hetok sira selebra ho modu devotu liu, hetok sira sai furak liu. Ami-nia novidade sira mak pr\u00e1tika Relijiaun nian, ne\u2019eb\u00e9 sempre foun, no tanba ne\u2019e presiza frekuenta ho badinas; ha\u2019u hein hela sira loke igreja atu bele tama.<\/p>\n

Ha\u2019u animadu ho konversasaun no ha\u2019u hatutan:<\/p>\n

\u2014 Loos buat ne\u2019ebe se\u00f1or dehan; maib\u00e9 iha tempu ba buat hotu: tempu atu b\u00e1 igreja no tempu atu diverte.<\/p>\n

Nia hamnasa, no remata ho liafuan sira ne\u2019eb\u00e9 ha\u2019u la haluha, liafuan sira ne\u2019eb\u00e9 sai programa nia moris tomak nia asaun sira:<\/p>\n

\u2014 Ema ne\u2019eb\u00e9 hakohak estadu eklezi\u00e1stiku entrega an ba Na\u2019i, no la iha buat ida ne\u2019eb\u00e9 iha mundu tenke preokupa nia, maib\u00e9 buat ne\u2019eb\u00e9 bele serv\u00ed ba Maromak nia gl\u00f3ria no klamar sira nia di\u2019ak\u201d.<\/p>\n

Iha Konvitu\u00a0 S. Francisco de Assis nian<\/h4>\n

Jos\u00e9 Cafasso mak estudante di\u2019ak liu no presiza husu dispensa atu bele simu ordenasaun sedu duk\u00e9 norm\u00e1l, iha idade 21, iha Setembru 1833. Envezde aseita konvite barak par\u00f3kia nian, nia hakarak hakle\u2019an ninia estudu sira iha Convitto eklezi\u00e1stiku S. Francisco de Assis, Turim nian. Iha akademia eklezi\u00e1stika ida-ne\u2019e nia pasa tinan ruma formasaun intelektu\u00e1l no espiritu\u00e1l intensa, hetan nomeasaun profes\u00f3r k\u00e1tedra mor\u00e1l nian. Nia serbisu ho Padre Guala (k\u00f3negu), fundad\u00f3r no reit\u00f3r estabelesimentu ne\u2019e nian. Ninia programa mak santifika an ba beibeik bo tulun sira seluk atu santifika an m\u00f3s. Ema hotu admira nia iha ninia empe\u00f1u atu buka uluknanai Maromak nia gl\u00f3ria boot no santifikasaun an rasik nian no ema seluk nian.<\/p>\n

Bainhira padre Guala mate, hotu-hotu hili Jos\u00e9 atu troka nia, no nia mantein kargu ne\u2019e ba tinan 12, katak, to\u2019o nia mate. Nia propoin nu\u2019udar modelu Saun Francisco de Sales no Saun Filipe N\u00e9ri.\u00a0 Ema barak dehan katak, nia hanesan santu rua ne\u2019e iha jovialidade no uniformidade esp\u00edritu nian.<\/p>\n

Kombate ba jansenizmu no rigorizmu<\/h4>\n

Padre Cafasso hafunu maka\u2019as filozofia rua ne\u2019eb\u00e9 tama iha It\u00e1lia: ida mak defende katak ema ida santu liu mak bele hakbesik sakramentu sira liuliu Eukaristia (jansenizmu); no ida seluk konsentra iha Maromak nia justisa, hodi hasai ninia mizerik\u00f3rdia, no la buka atu haree ekuil\u00edbriu entre atributu rua ne\u2019e (rigorizmu). Papa Pio XI, iha okaziaun dekretu ba beatifikasaun padre Jos\u00e9 Cafasso,\u00a0 assina iha 1 Novembru 1924, afirma: \u201cKontra jansenizmu, padre Cafasso hasae esp\u00edritu konfiansa maus iha bondade divina; hasoru rigorizmu, nia tau atitude justa fasilidade no bondade paterna nian iha ezers\u00edsiu minist\u00e9riu nian…\u201d.<\/p>\n

Atu kontrapoin jansenizmu no rigorizmu, nia aprezenta Relijiaun iha ninia aspetu furak liu, haree nu\u2019udar ezers\u00edsiu domin ba Maromak ida bondade no mizerik\u00f3rdia nian, ne\u2019eb\u00e9 terus no mate atu salva ita. Hodi la tau sees lia-loos esensi\u00e1l sira, nia subli\u00f1a buat sira ne\u2019eb\u00e9 furak liu no asesivel ba sarani baibain sira, atu sira pratika virtude sira. Nia uza t\u00e1tika relijioza Santu In\u00e1cio de Loyola nian, \u201cagere contra\u201d, katak atua hasoru salan no v\u00edsiu sira \u00e9poka nian.<\/p>\n

Pe. Cafasso lori ninia alunu amlulik sira atu vizita prizaun sira no bairru sira kiak liu sidade nian, atu fanun iha sira sensibilidade boot ba ema sira ne\u2019eb\u00e9 kiak.<\/p>\n

Amigu no protet\u00f3r Don Bosco nian<\/h4>\n

Saun Jo\u00e3o Bosco hetan apoiu husi Saun Jos\u00e9 Cafasso. Bainhira Jo\u00e3o Bosco sei iha semin\u00e1riu no labele kontinua ninia estudu sira tan falta rekursu sira, Pe. Cafasso selu nia bolsa sorin no konsege hetan husi dirijente sira semin\u00e1riu nian sorin seluk, hodi halo joven seminarista ne\u2019e nu\u2019udar sakristaun, badaen no barbeiru. No bainhira simu ona ordenasaun, nia selu kursu iha Convitto ba ninia p\u00f3s-graduasaun.<\/p>\n

Tuirmai nia tulun iha Don Bosco nia apostoladu ho labarik foin-sa\u2019e sira, no, maski ema hotu abandona Don Bosco, nia kontinua sai defens\u00f3r boot ba Don Bosco. Nia tulun m\u00f3s iha Sosiedade Saleziana ne\u2019eb\u00e9 foin harii, nune\u2019e salezianu sira konsidera nia nu\u2019udar sira-nia benfeit\u00f3r boot ida.<\/p>\n

Asist\u00e9nsia ba kondenadu sira iha oras mate nian<\/h4>\n

\"\"<\/a>Turim mak kapit\u00e1l Reinu Sab\u00f3ia nian no sidade ida iha dezenvolvimentu, nune\u2019e dada ema aventureiru oioin. Nu\u2019udar konseku\u00e9nsia, prizaun sira nakonu ho kriminozu sira ho tipu hotu, no ema hotu abandona sira. Ida-ne\u2019e mak kampu apostoladu ne\u2019eb\u00e9 padre Cafasso prefere liu. Nia entrega ba prizioneiru sira roupa, hah\u00e1n, materi\u00e1l ijiene nian no sas\u00e1n seluk. Nia b\u00e1 vizita sira, no ho pasi\u00e9nsia no laran-midar, konsege halo sira barak konfesa no hah\u00fa moris di\u2019ak liut\u00e1n. Dadur sira hein ninia vizita seman\u00e1l.<\/p>\n

Apostoladu boot liu no eroiku liu Pe. Cafasso nian mak kondenadu sira ba mate. Bainhira kriminozu ida simu sentensa mate nian, amlulik sira prepara sira molok loron mate nian, atu konverte an no konfesa, no depois akompa\u00f1a ba fatin supl\u00edsiu nian, hodi tau iha sira sentimentu relijiozu sira. Husi kondenadu na\u2019in 68 ne\u2019eb\u00e9 nia akompa\u00f1a to\u2019o iha supl\u00edsiu, la iha ida mak mate hodi la konfesa no hatudu sira nia arrependimentu loloos.<\/p>\n

Bainhira kriminozu ida rona ninia pena mate nian, baibain nia ko\u2019alia nune\u2019e: \u201cHa\u2019u hein Padre Cafasso iha ha\u2019u-nia sorin iha oras mate nian, ne\u2019e mak ha\u2019u-nia hakaran ikus\u201d. Sira bolu nia maski nia iha sidade seluk, atu hala\u2019o apostoladu di\u2019ak ida-ne\u2019e.<\/p>\n

Loron ida Pe. Cafasso lori Don Bosco, sei amlulik joven, iha vizita sira-ne\u2019e ida. Don Bosco, haree de\u2019it husi li\u2019ur monu desmaia kedas… Ida-ne\u2019e atu hatudu katak Padre Cafasso konsege domina nia an rasik atu bele familiariza an ho apostoladu difisil ne\u2019e. Importante atu salva klamar ida iha momentu ikus, no ida-ne\u2019e nat\u00f3n atu f\u00f3 kbiit ba Pe. Cafasso.<\/p>\n

\u201cAman kiak sira-nian, konselleiru ba laran rua-rua sira\u201d<\/h4>\n

Don ida ne\u2019eb\u00e9 Padre Jos\u00e9 Cafasso simu mak grau aas prud\u00e9nsia nian. Iha ninia odamatan mai dere ema eklezi\u00e1stiku boboot sira to\u2019o ema ki\u2019ik sira povu nian, atu buka konsellu ida nune\u2019e rezolve situasaun delikada sira. Nia sempre iha liafuan loos, konsellu loos, solusaun definitiva.<\/p>\n

Kualidade seluk ne\u2019eb\u00e9 destaka ho maneira espesi\u00e1l mak ninia hakmatek ne\u2019eb\u00e9 la nakdoko no pasi\u00e9nsia boot. Nia nafatin hatudu hamnasa midar iha nia oin atu atende ema sira. Tanba nia ain badak, sira dehan: \u201cNia isin ki\u2019ik, maib\u00e9 nia esp\u00edritu jigante\u201d.<\/p>\n

Saun Jo\u00e3o Bosco, iha biografia ne\u2019eb\u00e9 nia hakerek kona-ba Saun Jos\u00e9 Cafasso, ninia diret\u00f3r no mestre, destaka ninia atividade barak ne\u2019eb\u00e9 nia halo no karakteriza nia nune\u2019e: \u201cEma kiak sira nia aman, konselleiru ba laran rua-rua sira, konsolad\u00f3r moras sira-nian, konfortu ba ema sira besik atu mate, al\u00edviu ba dadur sira, salvasaun ba kondenadu sira ba mate\u201d.<\/p>\n

Padre Cafasso nia devosaun ba Sant\u00edssima Virjen la\u2019\u00f3s baibain. Nia husi ki\u2019ik kedas haburas devosaun ba Na\u2019i-Feto no ko\u2019alia kona-ba Nia ho entuziazmu. Nia dedika s\u00e1badu sira atu f\u00f3 onra ba Na\u2019i-Feto, no la iha buat ida ne\u2019eb\u00e9 nia husu iha loron sira ne\u2019e ka nia festa ruma mak Na\u2019i-Feto la atende nia.<\/p>\n

Domin tolu: Eukaristia, Na\u2019i-Feto, Papadu<\/h4>\n

Padre Cafasso sempre hateten katak nia iha domin tolu: Jez\u00fas sakramentadu, Sant\u00edssima Virjen no Papa. Afirmasaun ida-ne\u2019e importante liu iha \u00e9poka ne\u2019eb\u00e1 bas\u00e1 ukun-na\u2019in sira nasaun nian hasai husi Amu-Papa Estadu Pontif\u00edsiu sira.<\/p>\n

Iha ninia sermaun ida kona-na Na\u2019i-Feto, Padre Jos\u00e9 Cafasso ho admirasaun hateten: \u201cLoron ksolok bele mate iha s\u00e1badu ida, loron Virjen nian, atu Nia lori ba Lalehan!\u201d. Loos duni, ne\u2019e mak grasa ne\u2019eb\u00e9 nia hetan, hodi mate iha s\u00e1badu, 23 Ju\u00f1u 1860, ho tinan 49. Molok nia mate nia f\u00f3 buat hotu ba Don Bosco atu kontinua nia obra edukasaun no orientasaun foin-sa\u2019e sira-nian.<\/p>\n

Papa Pio XI beatifika Jos\u00e9 Cafasso iha 3 Maiu 1925, no Pio XII kanoniza nia iha 22 Ju\u00f1u 1947. Amu-Papa foti nia ba padroeiru prizioneiru sira-nian no sira ne\u2019eb\u00e9 kondenadu ba pena kapit\u00e1l (mate nian).<\/p>\n","protected":false},"excerpt":{"rendered":"

Serbisu iha nonok, Padre Cafasso realiza apostoladu estraordin\u00e1riu ida hodi kombate erru sira \u00e9poka nian; nia sai pontu refer\u00e9nsia ida ba amlulik sira-nia formasaun. Jos\u00e9 Cafasso moris iha Castelnuovo d\u2019Asti […]<\/p>\n","protected":false},"author":1,"featured_media":26555,"comment_status":"closed","ping_status":"closed","sticky":false,"template":"","format":"standard","meta":{"jnews-multi-image_gallery":[],"jnews_single_post":[],"jnews_primary_category":[],"jnews_social_meta":[],"jnews_override_counter":[],"footnotes":""},"categories":[10,49],"tags":[1471,1474],"class_list":["post-26547","post","type-post","status-publish","format-standard","has-post-thumbnail","hentry","category-husi-familia","category-santu-no-beatu","tag-saun-giuseppe-cafasso","tag-saun-jose-cafasso"],"_links":{"self":[{"href":"https:\/\/www.fmatin.org\/wpn\/wp-json\/wp\/v2\/posts\/26547","targetHints":{"allow":["GET"]}}],"collection":[{"href":"https:\/\/www.fmatin.org\/wpn\/wp-json\/wp\/v2\/posts"}],"about":[{"href":"https:\/\/www.fmatin.org\/wpn\/wp-json\/wp\/v2\/types\/post"}],"author":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/comments?post=26547"}],"version-history":[{"count":0,"href":"https:\/\/www.fmatin.org\/wpn\/wp-json\/wp\/v2\/posts\/26547\/revisions"}],"wp:featuredmedia":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/media\/26555"}],"wp:attachment":[{"href":"https:\/\/www.fmatin.org\/wpn\/wp-json\/wp\/v2\/media?parent=26547"}],"wp:term":[{"taxonomy":"category","embeddable":true,"href":"https:\/\/www.fmatin.org\/wpn\/wp-json\/wp\/v2\/categories?post=26547"},{"taxonomy":"post_tag","embeddable":true,"href":"https:\/\/www.fmatin.org\/wpn\/wp-json\/wp\/v2\/tags?post=26547"}],"curies":[{"name":"wp","href":"https:\/\/api.w.org\/{rel}","templated":true}]}}