{"id":26665,"date":"2023-07-10T09:34:24","date_gmt":"2023-07-10T07:34:24","guid":{"rendered":"https:\/\/www.fmatin.org\/wpn\/?p=26665"},"modified":"2023-07-10T09:34:24","modified_gmt":"2023-07-10T07:34:24","slug":"ema-neebe-nakonu-ho-an-rasik-la-komprende-maromak-nia-domin","status":"publish","type":"post","link":"https:\/\/www.fmatin.org\/wpn\/ema-neebe-nakonu-ho-an-rasik-la-komprende-maromak-nia-domin\/","title":{"rendered":"Ema ne\u2019eb\u00e9 nakonu ho an rasik la komprende Maromak nia domin"},"content":{"rendered":"<p style=\"text-align: right;\"><strong>Papa Francisco nia lia-menon molok harohan Angelus iha 9 Jullu 2023.<\/strong><\/p>\n<p>&nbsp;<\/p>\n<p><em>Maun no biin-alin sira, \u2018buongiorno!\u2019<\/em><\/p>\n<p>Ohin Evanjellu relata Jez\u00fas nia orasaun ida furak liu: \u00abAman, lalehan no rai nia Na\u2019i, Ha\u2019u hah\u00ed Ita tan Ita subar tiha buat hirak ne\u2019e ba matenek no neon-na\u2019in sira hodi hatudu ba ki\u2019ik-oan sira\u00bb (Mt 11,25). Maib\u00e9 Jez\u00fas ko\u2019alia kona-ba s\u00e1 loos? No hafoin, s\u00e9 mak ki\u2019ik-oan sira-ne\u2019e, ne\u2019eb\u00e9 ba sira hatudu sai buat sira-ne\u2019e? Ita konsentra iha buat ne\u2019e: iha buat sira ne\u2019eb\u00e9 halo Jez\u00fas hah\u00ed Aman no ko\u2019ik-oan sira ne\u2019eb\u00e9 hatene simu.<\/p>\n<p>Buat sira ne\u2019eb\u00e9 halo Jez\u00fas hah\u00ed Aman. Molok Na\u2019i f\u00f3 hanoin kona-ba ninia obra ruma: \u00abMatan-delek sira haree [\u2026] moras lepra sira sai moos, [\u2026] ba ema kiak sira Nia haklaken Evanjellu\u00bb (Mt 11,5), no Nia revela signifikadu ne\u2019e, hodi dehan katak sira-ne\u2019e mak sin\u00e1l sira Maromak nia asaun iha munsu. Mensajen hatudu momoos: Maromak hatudu an hodi liberta no kura ema \u2013 ita keta haluha ida-ne\u2019e: Maromak hatudu an hodi liberta no kura ema \u2013 no, Nia halo ida-ne\u2019e ho domin gratuitu, domin ida ne\u2019eb\u00e9 salva. Tanba ne\u2019e Jez\u00fas hah\u00ed Aman, bas\u00e1 ninia grandeza konsiste iha domin no Nia nunka li\u2019ur husi domin. Maib\u00e9 domin nia grandeza ne\u2019e la hetan komprensaun husi ema ne\u2019eb\u00e9 hanoin nia boot no kria maromak ida tuir ninia ilas rasik: kbiit-na\u2019in, infleksivel, vingad\u00f3r. Ho liafuan seluk, ema prezuntuozu sira-ne\u2019e la konsege simu Maromak nu\u2019udar Aman, ema ne\u2019eb\u00e9 nakonu ho an rasik, orgullozu, preokupa de\u2019it ho interese rasik \u2013 ema sira-ne\u2019e prezuntuozu \u2013, konvensidu katak sira la presiza ema ida. Jez\u00fas temi, kona-ba ne\u2019e, makhorik sira husik sidade tolu tempu ne\u2019eb\u00e1 nian, Coraz\u00edm, Betsaida no Kafaranum, iha-ne\u2019eb\u00e9 Nia halo milagre barak, maib\u00e9 ninia makhorik sira indiferente ba Ninia pregasaun. Ba sira milagre sira mak eventu espetakul\u00e1r de\u2019it, serve atu halo not\u2019isia no haboot gossip: liutiha interese lais ne\u2019e, sira tau iha arkivu, karik atu okupa an fali ho novidade seluk momentu nian. Sira la hatene simu buat boot sira Maromak nian.<\/p>\n<p>Maib\u00e9, ki\u2019ik sira, hatene simu no Jez\u00fas hah\u00ed Aman ba sira: \u201cHa\u2019u hah\u00ed Ita\u201d \u2013 Nia dehan \u2013 tan Ita hatudu Reinu Lalehan ba ki\u2019ik-oan sira. Nia hah\u00ed ba ema simples sira, ne\u2019eb\u00e9 iha fuan livre husi prezunsaun no husi domin ba an rasik. Ki\u2019ik-oan sira mak sira ne\u2019eb\u00e9, hanesan labarik sira, sente nesesidade no la\u2019\u00f3s autosufisiente, sira nakloke ba Maromak no husik sira-nia an admira Ninia obra sira. Sira hatene lee Ninia sin\u00e1l sira, admira ba milagre sira Ninia domin nian! Ha\u2019u husu ba imi ida-idak, mai ha\u2019u an m\u00f3s: ita hatene admira Maromak nia sas\u00e1n sira ka ita haree nu\u2019udar buat sira ne\u2019eb\u00e9 liu de\u2019it?<\/p>\n<p>Maun no biin-alin sira, ita-nia moris, sei ita hanoin didi\u2019ak, nakonu ho milagre: nakonu ho jestu sira domin nian, sin\u00e1l sira husi Maromak nia laran-di\u2019ak. Iha buat sira-ne\u2019e nia oin, karik ita-nia fuan m\u00f3s bele sai indiferente no sai toman, kuriozu ne\u2019eb\u00e9 la hatene admira, la hatene husik ita-nia an sai \u201cimpresionadu\u201d. Fuan ida taka metin, xave metin, no la iha kapasidade atu admira. \u201cImpresiona\u201d mak verbu furak ida ne\u2019eb\u00e9 halo ita hanoin ba fot\u00f3grafu ida nia pel\u00edkula. Ne\u2019e mak atitude loos iha Maromak nia obra sira nia oin: halo fotografia ba nia obra sira iha neon, atu bele imprime iha fuan, hafoin dezenvolve iha moris, liuhusi jestu barak di\u2019ak nian, atu Maromak-domin nia \u00a0\u201cfotografia\u201d sai nabilan ba beibeik iha ita no liuhusi ita.<\/p>\n<p>No oras-ne\u2019e ita husu ba an rasik, ita ida-idak: iha laloran boot not\u00edsia sira-nian ne\u2019eb\u00e9 hamout ita, ha\u2019u hatene para iha Maromak nia buat kmanek sira, sira ne\u2019eb\u00e9 Maromak halo, hanesan ohin Jez\u00fas hatudu? Ha\u2019u husik ha\u2019u-nia an hakfodak hanesan labarik ida, ba buat di\u2019ak ne\u2019eb\u00e9 iha sil\u00e9nsiu muda mundu, eh ha\u2019u lakon tiha ona kapasidade atu admira? No ha\u2019u hah\u00ed Aman loroloron ba nia obra sira? Maria, ne\u2019eb\u00e9 hah\u00ed Na\u2019i, halo ita hatene admira ninia domin no hah\u00ed Nia ho ismplisidade.<\/p>\n","protected":false},"excerpt":{"rendered":"<p>Papa Francisco nia lia-menon molok harohan Angelus iha 9 Jullu 2023. &nbsp; Maun no biin-alin sira, \u2018buongiorno!\u2019 Ohin Evanjellu relata Jez\u00fas nia orasaun ida furak liu: \u00abAman, lalehan no rai [&hellip;]<\/p>\n","protected":false},"author":1,"featured_media":26666,"comment_status":"closed","ping_status":"closed","sticky":false,"template":"","format":"standard","meta":{"jnews-multi-image_gallery":[],"jnews_single_post":[],"jnews_primary_category":[],"jnews_social_meta":[],"jnews_override_counter":[],"footnotes":""},"categories":[13],"tags":[362,855],"class_list":["post-26665","post","type-post","status-publish","format-standard","has-post-thumbnail","hentry","category-husi-kreda","tag-domingu-xiv-tinan-a","tag-cl38-kreda"],"_links":{"self":[{"href":"https:\/\/www.fmatin.org\/wpn\/wp-json\/wp\/v2\/posts\/26665","targetHints":{"allow":["GET"]}}],"collection":[{"href":"https:\/\/www.fmatin.org\/wpn\/wp-json\/wp\/v2\/posts"}],"about":[{"href":"https:\/\/www.fmatin.org\/wpn\/wp-json\/wp\/v2\/types\/post"}],"author":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/comments?post=26665"}],"version-history":[{"count":0,"href":"https:\/\/www.fmatin.org\/wpn\/wp-json\/wp\/v2\/posts\/26665\/revisions"}],"wp:featuredmedia":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/media\/26666"}],"wp:attachment":[{"href":"https:\/\/www.fmatin.org\/wpn\/wp-json\/wp\/v2\/media?parent=26665"}],"wp:term":[{"taxonomy":"category","embeddable":true,"href":"https:\/\/www.fmatin.org\/wpn\/wp-json\/wp\/v2\/categories?post=26665"},{"taxonomy":"post_tag","embeddable":true,"href":"https:\/\/www.fmatin.org\/wpn\/wp-json\/wp\/v2\/tags?post=26665"}],"curies":[{"name":"wp","href":"https:\/\/api.w.org\/{rel}","templated":true}]}}