{"id":27916,"date":"2014-05-22T09:08:17","date_gmt":"2014-05-22T07:08:17","guid":{"rendered":"http:\/\/www.fmatin.org\/wpn\/?p=1568"},"modified":"2014-05-22T09:08:17","modified_gmt":"2014-05-22T07:08:17","slug":"don-bosco-no-ausiliadora","status":"publish","type":"post","link":"https:\/\/www.fmatin.org\/wpn\/don-bosco-no-ausiliadora\/","title":{"rendered":"Don Bosco no Maria Auxiliadora"},"content":{"rendered":"
\n
\"\"<\/a>Foti husi Tatoli Maiu\/Ju\u00f1u 2012\u00a0hodi prepara an ba Festa Maria Auxiliadora nian<\/em><\/span><\/h6>\n<\/blockquote>\n

1. \u00abBensan hotu mai husi Ave Maria dahuluk\u00bb<\/em><\/p>\n

Don Bosco nia moris tomak aprezenta perspetiva mariana singul\u00e1r tebes, hodi bele lee momoos Maria nia prezensa no influ\u00e9nsia iha nia. Fasil liu atu haree Maria nia prezensa iha Giovanni Bosco nia inf\u00e1nsia to\u2019o, bainhira atu mate ona, loron 31 Janeiru 1888, rai hela ninia testamentu lia-menon ne\u2019e:\u00a0 \u00abDehan ba foin-sa\u2019e sira katak ha\u2019u hein sira iha lalehan. \u00a0Buka iha devosaun ba eukaristia no ba Na\u2019i-Feto\u2026\u00bb.<\/p>\n

Giovanni Bosco aprende atu hadomi Maria iha nia inan, Margherita Occhiena nia eskola. Nia inan nia devosaun la influensia uitoan de\u2019it ninia oan-mane. Margherita nakonu ho rekordasaun sira akontese tutuir malu iha tinan dahuluk ninia kazamentu nian (1812-1815).Pio VII filafali husi ez\u00edliu iha Fontainebleau liuhusi Savona atu tau koroa hah\u00edn nia ba Na\u2019i-Feto Misericordia<\/em> nian; Pio VII ba Torino iha 19 Maiu 1815 no halo espozisaun ba Santu Sud\u00e1riu (lens\u00f3l hodi falun Jez\u00fas nia isin mate). Iha tinan ne\u2019e mak Don Bosco moris iha loron 16 Agostu nian. Maria no Amu-Papa hakonu ho sira-nia domin inan no oan ninia fuan.<\/p>\n

Iha ninia moris Don Bosco hatudu forma sira devosaun mariana, iha fatin sira nia liub\u00e1 iha ninia formasaun ba amlulik no iha ne\u2019eb\u00e9 nia hala\u2019o minist\u00e9riu amlulik nian. Nune\u2019e nia iha devosaun ba \u201cMadonna del Castello\u201d\u00a0 raiCastelnuovo d’Asti nian, ba\u201cMadonna delle Grazie\u201d iha Chieri, ba\u201cConsolata\u201diha Torino. Sai tiha amlulik iha 1841, Don Bosco nia prefer\u00e9nsia lori nia ba devosaun iha Imakulada Konseisaun. Sira ne\u2019emak tinan sira iha ne\u2019eb\u00e9 iha movimentu boot ne\u2019eb\u00e9 servisu maka\u2019as atu to\u2019o ba definisaun dogma Imakulada nian. Hafoin, tanba koinsid\u00e9nsia oioin, faktu ruma Don Bosco\u00a0 nia moris no apostoladu nian iha ligasaun ho naran no selebrasaun Imakulada nian. Obra orat\u00f3riu nian iha ninia hah\u00fan simples iha loron 8 Dezembru 1841, festa Imakulada Konseisaun nian, bainhira iha kreda S. Francesco d’Assisi iha Torino, Don Bosco hasoru iha sakristia laran Bartolomeo Garelli, no hotu tiha misa hah\u00fa hanorin ba nia katesizmu. Apostoladu ne\u2019e hah\u00fa ho Ave Maria ida nia kbiit, ne\u2019eb\u00e9 Don Bosco rasik sei f\u00f3-sai ba ninia salezianu sira, liutiha\u00a0 tinan haatnulu-resin-lima: \u00abBensan hotu tuun mai ita husi lalehan mak Ave Maria dahuluk ne\u2019e ninia fuan, hateten ho laran-manas no intensaun loos\u00bb. Ba Don Bosco Imakulada mak nafatin Na\u2019i-Feto orijen orat\u00f3riu nian, ida-ne\u2019eb\u00e9 favorese obra ninia baburas, ideal aas pureza nian ne\u2019eb\u00e9 edukad\u00f3r no foin-sa\u2019e sira tenke foti inspirasaun.<\/p>\n

Liu tiha tinan ruma, bele haree katak ide\u00e1l ne\u2019eb\u00e9 Don Bosco haree iha Imakulada la sai fraku maib\u00e9 sai realidade. Iha tinan 1855 nia in\u00edsiu iha orat\u00f3riu mosu kompa\u00f1ia Imakulada nian, iha ne\u2019eb\u00e9 nia esp\u00edritu bele hetan iha artigu ida estatutu nian: \u00abKonfiansa loos, fili\u00e1l, lah\u00f3 limite ba Maria, laran-maus singul\u00e1r ba nia, devosaun konstante ida sei halo ita kbiit-nain hasoru obst\u00e1kulu sira, metin iha rezolusaun sira, toos ho an rasik; laran-di\u2019ak ba maluk sira no ezatu iha buat hotu\u00bb (kf. TERESIO BOSCO, Don Bosco, Torino 1979, p. 262). Fuan furak liu ne\u2019eb\u00e9 sai tasak iha ambiente ne\u2019e mak Domenico Savio, ne\u2019eb\u00e9 ba lalehan depoizde fulan sia de\u2019it husi kompa\u00f1ia nia inaugurasaun, no Kreda reko\u00f1ese nia nu\u2019udar santu iha loron 12 Ju\u00f1u 1954, durante tinan marianu dahuluk.<\/p>\n

Na\u2019i-Feto tama kle\u2019an liut\u00e1n iha Don Bosco nia moris, iha tinan hanesan 1856, bainhira mama Margherita ba tiha lalehan. Inan ne\u2019e nia fatin iha Don Bosco nia moris la\u2019\u00f3s ki\u2019ik-oan ida. Nune\u2019e fatin mamuk ne\u2019eb\u00e9 Don Bosco sente liutiha nia inan nia mate labele sukat. Nia lakonsege konsola an rasik nune\u2019e m\u00f3s konsola ninia foin-sa\u2019e sira iha orat\u00f3riu, ne\u2019eb\u00e9 Mam\u00e1 Margherita tau matan. Nune\u2019e nia hateke ba Virjen Maria no halo orasaun ida-ne\u2019e: \u00abOras-ne\u2019e, ha\u2019u no ha\u2019u-nia oan sira la iha ona inan ida iha rai ne\u2019e. Neses\u00e1riu tebes atu ita foti fatin mamuk ne\u2019e. Inan ida indispensavel liu ba fam\u00edlia boot ida. S\u00e9 mak bele halo se karik la\u2019\u00f3s ita? Ha\u2019u-nia foin-sa\u2019e sira hotu ha\u2019u saran ba ita. Tau-matan ba sira-nia moris no sira-nia klamar, oras-ne\u2019e no nafatin\u00bb.<\/p>\n

Ne\u2019e mak pontu final edukasaun ida domin no konfiansa nian iha Maria, ne\u2019eb\u00e9 Don Bosco simu husi nia inan, husi kedas sei labarik.<\/p>\n

2. Maria \u00abAuxilium Christianorum\u00bb<\/em><\/p>\n

Maib\u00e9 entre 1858 no 1863 iha buat ruma foun iha Don Bosco nia moris. Devosaun ba Virjen Imakulada nakfilak iha devosaun ba Imakulada Ausiliadora. Kombinasaun t\u00edtulu rua ne\u2019e nian la\u2019\u00f3s buat foun. Pio IX halo tiha ida-ne\u2019e iha bulla \u201c<\/em>Ineffabilis Deus\u201d kona-ba proklamasaun dogma Imakulada nian. Iha bulla <\/em>ne\u2019e nia kualifika Maria nu\u2019udar \u00abRef\u00fajiu seguru liu no fi\u00e9l liu Tulun ba sira hotu iha perigu laran, Mediadora no konsiliadora mundu tomak nian ho nia Oan.. \u00bb ( PIO IX, Ineffabilis Deus, 64 [Insegnamenti Pontifici, Maria SS.ma, p. 75]).<\/p>\n

Imakulada sai Ausiliadora Don Bosco \u00a0nian no ninia obra nian, hafoin halo mehi ida iha Maiu 1862 no haktuir ba ninia labarik sira. Nia haree inimigu sira hah\u00fa luta ida hasoru Kreda no Amu-Papa, ho forma funu boot ho r\u00f3 sira. Kreda nia r\u00f3 halai hakmatek iha laloran boot no ka\u00f1aun sira inimigu tiru b\u00e1 nia leet, no konsege hetan salvasaun iha koluna rua, ne\u2019eb\u00e9 tubun mesmesak husi tasi-laran. Koluna dahuluk iha nia leten iha \u00f3stia boot ida, ida daruak iha est\u00e1tua Imakulada nian, ho hakerek Auxilium christianorum. Mehi \u00abkoluna rua\u00bb nian mak f\u00f3 naroman ba Don Bosco kona-ba misaun ne\u2019eb\u00e9 Imakulada hala\u2019o ba Kreda, hanesan tulun ba povu sarani, iha tempu sira ne\u2019eb\u00e9 akontese luta hasoru relijiaun kat\u00f3lika no Amu-Papa.\u00a0 Tuir ida-ne\u2019e, Don Bosco insiste kona-ba devosaun ba “Maria Ausiliatrice”, ne\u2019eb\u00e9 atu f\u00f3 onra ba nia, hah\u00fa no remata, iha 1865-1870, konstrusaun santu\u00e1riu Valdocco nian. Ida-ne\u2019e mak nia t\u00edtulu. Iha tinan ruanulu nia moris ikus nian nia hadomi Maria nia t\u00edtulu ida-ne\u2019e ho modu espesi\u00e1l, no hakarak atu nia oan sira invoka t\u00edtulu ne\u2019e nu\u2019udar sin\u00e1l vinkulasaun ba Kreda romana no ba Amu-Papa no nu\u2019udar meiu salvasaun nian iha tempu ida ne\u2019eb\u00e9 ema hakarak na\u2019ok fiar husi ema nia fuan. Don Bosco hateten ba padre Giovanni Cagliero: \u00abtempu sira sai difisil liu tan ne\u2019e mak ita presiza tebes atu Maria tulun ita rai no defende fiar sarani\u00bb (Memorie biografiche di don Giovanni Bosco, VII, p. 334).<\/p>\n

Don Bosco nia apostoladu no devosaun ba Maria \u00abAuxilium christianorum\u00bb halo atu ema hah\u00fa ko\u2019alia kona-ba Ausiliadora, nu\u2019udar Don Bosco ninia Na\u2019i-Feto. Istorikamente, invokasaun ne\u2019e eziste ona husi kedas 1571. Man\u00e1n tiha ameasa perigu nian hasoru kristianizmu iha Lepanto, Pio V hakarak atu nia mem\u00f3ria hela ba nafatin ho invokasaun Auxilium christianorum m\u00f3s, hodi hatama iha ladai\u00f1a Loreto nian. Pio VII harii festa iha tinan 1815, hodi hanoin ninia libertasaun husi kativeiru\/prizaun iha Fontainebleau, no ninia fila-hikas ba Roma iha loron 24 Maiu 1814. Don Bosco aproveita sentimentu ne\u2019eb\u00e9 habelar iha povu sarani nia leet, maib\u00e9 buras liuliu iha ninia tempu:presiza tebes invoka Maria nia tulun kbiit-nain hasoru inimigu sira Kreda nian, ne\u2019eb\u00e9 atinje ulun no membru sira. Ba ne\u2019e Don Bosco habelar iha fatin hotu devosaun ida-ne\u2019e, no entrega nu\u2019udar limanrohan ba sira hotu ne\u2019eb\u00e9, ho maneira oioin hola parte ba ninia fam\u00edlia.\u00a0 Iha kedas 1867, nia hakarak atu jakulat\u00f3ria \u201cMaria, Auxilium christianorum\u201d halo parte iha orasaun ne\u2019eb\u00e9 tenke dehan molok no hotu tiha estudu no eskola. Tinan rua molok, iha 1865, nia hah\u00fa konstrusaun kreda ne\u2019eb\u00e9 tenke sai Maria Ausiliadora nia kadunan. Ist\u00f3ria konstrusaun nian mak ist\u00f3ria ida fiar nian, bas\u00e1 fatuk ida-idak haktuir laran-sadia ida, milagre ida. Don Bosco rasik ho simplisidade dehan: \u00abLa\u2019\u00f3s ha\u2019u mak aut\u00f3r ba obra boboot sira-ne\u2019e. Maromak ne\u2019eb\u00e9 di\u2019ak no Na\u2019i-Feto hakarak uza amlulik kiak ida atu hala\u2019o buat sira-ne\u2019e hotu\u2026 Fatuk ida-idak, ornamentu ida-idak mak sin\u00e1l husi nia grasa\u00bb (Memorie biografiche di don Giovanni Bosco, VII, p. 334).<\/p>\n

Ohin loron espasu arkitet\u00f3niku baz\u00edlika \u201cMaria Ausiliatrice\u201d nian ita hetan kuadru ilas Ausiliadora nian mak domina. Don Bosco mak f\u00f3 inspirasaun ba pint\u00f3r Tommaso Lorenzone. Ne\u2019e mak ninia konte\u00fadu: Maria okupa sentru kompozisaun nian. Hamriik iha tronu ida husi kalohan nabilan, nia soi koroa liurai-feto nian no roman Esp\u00edritu nian hale\u2019u nia. Iha liman ida nia ko\u2019us Jez\u00fas, motivu ba ninia kbiit, enkuantu ho liman seluk nia lolo setru (ai-tonka ukun nian) ba sarani sira, s\u00edmbolu kbiit nian. Anju sira semu iha parte superi\u00f3r kuadru nian,\u00a0 enkuantu ap\u00f3stolu no evanjelista sira, namkari iha kuadru nia oin, hakete ba sira-nia Liurai-Feto, aprezenta ba nia s\u00edmbolu ne\u2019eb\u00e9\u00a0 karateriza ida-idak no f\u00f3 hanoin, ba ida-ne\u2019eb\u00e9 hamriik iha imajen ne\u2019e nia oin, katak Maria mak sira nia Tulun-Na’in iha sira-nia formasaun no apostoladu. Lorenzone nia kuadru kompleta iha parte inferi\u00f3r ho reprodusaun baz\u00edlika Torino nian. Hatuur iha Maria nia ain okos nia sai hanesan tronu ba ninia maternidade nakonu ho kbiit no laran-sadia no komunika Don Bosco nia fuan, no repete ninia konsellu laran-metin nian: \u00abMaria hakarak tulun no tau matan ba buat hotu ne\u2019eb\u00e9 nia Oan entrega ba nia\u00bb. Kuadru ne\u2019eb\u00e9 hetan inspirasaun husi Don Bosco mak s\u00ednteze ist\u00f3ria Ausiliadora nian, husi tempu Kreda foin hah\u00fa to\u2019o tinan 100 eh liu. Ohin loron imajen ne\u2019e sai modelu ikonogr\u00e1fiku definitivu Maria Ausiliadora nian.<\/p>\n

3. \u00abKont\u00ednuu no admiravel tatulun Maria nian\u00bb<\/em><\/p>\n

Virjen Maria nia influ\u00e9nsia iha Don Bosco nia moris bele haree ho modu partikul\u00e1r iha kongregasaun sira ne\u2019eb\u00e9 nia funda: salezianu sira (SDB) no Figlie di Maria Ausiliatrice (FMA) sira . Bainhira Don Bosco ko\u2019alia kona-ba ne\u2019e, nia dehan: \u00abSant\u00edssima Virjen mak fundadora no nia mak sai sustentu ba ita-nia obra sira\u00bb (M.B., XVIII, pp. 438-439). Kona-ba FMA sira, se tebes duni Don Bosco hakarak sira sai monumentu ba nafatin agradesimentu nian ba Na\u2019i-Feto, nia la sala: \u00abObrigadu\u00bb konkretu dahuluk mak irm\u00e1n Maria Domenica Mazzarello, ko-fundadora no santa iha lalehan ho reko\u00f1esimentu Kreda nian. Atu habadak, buat ne\u2019eb\u00e9 Don Bosco hakarak mak iha ninia uma sira bele dada-iis devosaun ba Na\u2019i-Feto, nu\u2019udar komponente esensi\u00e1l formasaun nian, ba sira ne\u2019eb\u00e9 hili tiha ona atu moris iha nia laran. Maria tenke sai matadalan ba hotu. Sei tinan sia nia mehi promesa ida: \u00abHa\u2019u sei f\u00f3 ba \u00f3 Mestra ida. Hodi ninia hanorin \u00f3 bele sai matenek\u00bb (T. Bosco, o. c., p. 12). Iha Mestra: presiza mak eskolante badinas no iha hakaran nakloke iha ninia eskola. Presiza tutan promesa ne\u2019eb\u00e9 domina Don Bosco nia moris, husi tinan sia mai oin ho lia-menon-testamentu ne\u2019eb\u00e9 nia husik ba nia oan sira husi kedas Setembru 1884: \u00abVirjen Santa sei kontinua proteje ita… se ita kontinua iha konfiansa iha nia no promove kultu ba nia…\u00bb (M.B., XVII p. 261). Nune\u2019e Don Bosco armoniza an ho programa marianu, ne\u2019eb\u00e9 karateriza ninia s\u00e9kulu. Nia moris ida-ne\u2019e ho laran-manas santu ida nian, naksira nia ho entuziazmu ap\u00f3stolu ida nian.<\/p>\n","protected":false},"excerpt":{"rendered":"

Foti husi Tatoli Maiu\/Ju\u00f1u 2012\u00a0hodi prepara an ba Festa Maria Auxiliadora nian 1. \u00abBensan hotu mai husi Ave Maria dahuluk\u00bb Don Bosco nia moris tomak aprezenta perspetiva mariana singul\u00e1r tebes, […]<\/p>\n","protected":false},"author":1,"featured_media":13889,"comment_status":"open","ping_status":"open","sticky":false,"template":"","format":"standard","meta":{"jnews-multi-image_gallery":[],"jnews_single_post":[],"jnews_primary_category":[],"jnews_social_meta":[],"jnews_override_counter":[],"footnotes":""},"categories":[14,44],"tags":[188,279,424,976],"class_list":["post-27916","post","type-post","status-publish","format-standard","has-post-thumbnail","hentry","category-karizma","category-nai-feto","tag-auxilium-christianorum","tag-devosaun-ba-auxiliadora","tag-don-bosco","tag-maria-auxiliadora"],"_links":{"self":[{"href":"https:\/\/www.fmatin.org\/wpn\/wp-json\/wp\/v2\/posts\/27916","targetHints":{"allow":["GET"]}}],"collection":[{"href":"https:\/\/www.fmatin.org\/wpn\/wp-json\/wp\/v2\/posts"}],"about":[{"href":"https:\/\/www.fmatin.org\/wpn\/wp-json\/wp\/v2\/types\/post"}],"author":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/comments?post=27916"}],"version-history":[{"count":0,"href":"https:\/\/www.fmatin.org\/wpn\/wp-json\/wp\/v2\/posts\/27916\/revisions"}],"wp:featuredmedia":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/media\/13889"}],"wp:attachment":[{"href":"https:\/\/www.fmatin.org\/wpn\/wp-json\/wp\/v2\/media?parent=27916"}],"wp:term":[{"taxonomy":"category","embeddable":true,"href":"https:\/\/www.fmatin.org\/wpn\/wp-json\/wp\/v2\/categories?post=27916"},{"taxonomy":"post_tag","embeddable":true,"href":"https:\/\/www.fmatin.org\/wpn\/wp-json\/wp\/v2\/tags?post=27916"}],"curies":[{"name":"wp","href":"https:\/\/api.w.org\/{rel}","templated":true}]}}