{"id":28114,"date":"2018-02-18T23:40:05","date_gmt":"2018-02-18T22:40:05","guid":{"rendered":"http:\/\/www.fmatin.org\/wpn\/?p=11272"},"modified":"2018-02-18T23:40:05","modified_gmt":"2018-02-18T22:40:05","slug":"kuarezma-mak-tempu-penitensia-nian-laos-tempu-triste-ida","status":"publish","type":"post","link":"https:\/\/www.fmatin.org\/wpn\/kuarezma-mak-tempu-penitensia-nian-laos-tempu-triste-ida\/","title":{"rendered":"Kuarezma mak tempu penit\u00e9nsia nian, la\u2019\u00f3s tempu triste ida!"},"content":{"rendered":"<p><em>Maun no biin-alin sira, bondia!<\/em><\/p>\n<p>Iha domingu dahuluk Kuarezma nian, Evanjellu f\u00f3 hanoin tema sira tenasaun nian, konversaun nian no Liafoun Di\u2019ak nian. Evanjelista Marcos hakerek: \u00abEsp\u00edritu dudu Jez\u00fas ba rai-fuik maran no iha rai-fuik maran nia horik loron haatnulu, iha-ne\u2019eb\u00e9 Satan\u00e1s babeur nian\u00bb (Mc 1,12-13). Jez\u00fas b\u00e1 iha dezertu atu prepara An ba ninia misaun iha mundu. Nia la presiza konversaun, maib\u00e9, nu\u2019udar ema, nia tenke liu husi prova ne\u2019e, ba Nia An rasik, atu obedese Aman nia vontade, nune\u2019e m\u00f3s mai ita, atu haraik mai ita grasa atu man\u00e1n tentasaun sira. Preparasaun ne\u2019e konsiste iha kombatimentu kontra esp\u00edritu aat nian, katak kontra diabu. Mai ita m\u00f3s, Kuarezma mak tempu ida \u201cagonizmu\u201d \u00a0espiritu\u00e1l nian, luta espiritu\u00e1l: ita simu bolun atu enfrenta Malignu ho orasaun atu iha kbiit, ho Maromak nia tulun, man\u00e1n nia iha ita-nia moris loroloron nian. Ita hatene, buat aat infelizmente serbisu iha ita-nia ezist\u00e9nsia no haleu ita, iha-ne\u2019eb\u00e9 manifesta viol\u00e9nsia sira, hakribi ema seluk, taka an, funu sira, injustisa sira. Buat sira-ne\u2019e hotu mak Malignu nia serbisu, buat aat nian.<\/p>\n<p>Depoizde tentasaun iha dezertu, Jez\u00fas hah\u00fa kedas haklaken Evanjellu, katak Liafoun-Di\u2019ak, ne\u2019e mak liafuan daruak. Liafuan dahuluk mak \u201ctentasaun\u201d; daruak \u201cLiafoun Di\u2019ak\u201d. No Liafoun Di\u2019ak ne\u2019e ezije konversaun husi ema \u2013 liafuan datoluk \u2013 no fiar. Nia haklaken: \u00abTempu to\u2019o ona no Maromak nia Reinu besik ona\u00bb; hafoin hato\u2019o ezortasaun: \u00abKonverte an b\u00e1 no fiar iha Evanjellu\u00bb (v.15), fiar ba Liafoun Di\u2019ak katak Maromak nia Reinu besik ona. Iha ita-nia moris ita presiza nafatin konversaun &#8211; loroloron! -, no Igreja halo ita harohan ba buat ne\u2019e. Defaktu, ita la orienta an ho modu sufiseinte ba Maromak no ita tenke kontinua diriji ita-nia neon no ita-nia fuan ba Nia. Atu halo ida-ne\u2019e presiza iha korajen atu hewai buat hotu ne\u2019eb\u00e9 lori ita sai husi dalan, val\u00f3r falsu sira ne\u2019eb\u00e9 lohi ita hodi dada ho modu haksumik ita-nia ego\u00edzmu.Iha kontr\u00e1riu, ita tenke konfia iha Nai, iha Ninia laran-di\u2019ak no Ninia projetu domin nian mai ita ida-idak. Kuarezma mak tempu penit\u00e9nsia nian, loos duni, maib\u00e9 la\u2019\u00f3s tempu triste ida! Tempu ida penit\u00e9nsia nian, maib\u00e9 la\u2019\u00f3s tempu triste ida, lutu nian. Empe\u00f1u ksolok nian no s\u00e9riu atu lolu ita husi ita-nia ego\u00edzmu, ita-nia ema tuan, no hafoun an tuir grasa ita-nia Batizmu nian.<\/p>\n<p>Maromak de\u2019it mak bele haraik mai ita ksolok loloos: inutil lakon ita-nia tempu atu buka iha fatin seluk, iha rikusoin sira, iha praz\u00e9r sira, iha pod\u00e9r, iha karreira\u2026 Maromak nia Reinu mak realizasaun ita-nia aspirasaun sira hotu, tanba nia mak, tempu hanesan, ema nia salvasaun no Maromak nia gl\u00f3ria. Iha domingu dahuluk Kuarezma nian ne\u2019e, ita simu konvite atu rona ho atensaun no hakohak Jez\u00fas nia apelu ida-ne\u2019e atu konverte an no fiar iha Evanjellu. Ita hetan ezortasaun atu hah\u00fa ho empe\u00f1u dalan ba P\u00e1skua, atu simu nafatin Maromak nia grasaun, ne\u2019eb\u00e9 hakarak transforma mundu iha reinu ida justisa nian, dame nian, fraternidade nian.<\/p>\n<p>Maria Sant\u00edssima tulun ita atu moris Kuarezma ida-ne\u2019e ho fidelidade ba Maromak nia Liafuan no ho orasaun ne\u2019eb\u00e9 la para, hanesan Jez\u00fas halo iha dezertu. La\u2019\u00f3s imposivel! Ne\u2019e katak hakohak domin ne\u2019eb\u00e9 mai husi Maromak ne\u2019eb\u00e9 mai no hakarak transforma ita-nia moris no mundu tomak.<\/p>\n","protected":false},"excerpt":{"rendered":"<p>Maun no biin-alin sira, bondia! Iha domingu dahuluk Kuarezma nian, Evanjellu f\u00f3 hanoin tema sira tenasaun nian, konversaun nian no Liafoun Di\u2019ak nian. Evanjelista Marcos hakerek: \u00abEsp\u00edritu dudu Jez\u00fas ba [&hellip;]<\/p>\n","protected":false},"author":1,"featured_media":11274,"comment_status":"closed","ping_status":"closed","sticky":false,"template":"","format":"standard","meta":{"jnews-multi-image_gallery":[],"jnews_single_post":[],"jnews_primary_category":[],"jnews_social_meta":[],"jnews_override_counter":[],"footnotes":""},"categories":[37,13],"tags":[855,872],"class_list":["post-28114","post","type-post","status-publish","format-standard","has-post-thumbnail","hentry","category-hau-fiar","category-husi-kreda","tag-cl38-kreda","tag-kuarezma"],"_links":{"self":[{"href":"https:\/\/www.fmatin.org\/wpn\/wp-json\/wp\/v2\/posts\/28114","targetHints":{"allow":["GET"]}}],"collection":[{"href":"https:\/\/www.fmatin.org\/wpn\/wp-json\/wp\/v2\/posts"}],"about":[{"href":"https:\/\/www.fmatin.org\/wpn\/wp-json\/wp\/v2\/types\/post"}],"author":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/comments?post=28114"}],"version-history":[{"count":0,"href":"https:\/\/www.fmatin.org\/wpn\/wp-json\/wp\/v2\/posts\/28114\/revisions"}],"wp:featuredmedia":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/media\/11274"}],"wp:attachment":[{"href":"https:\/\/www.fmatin.org\/wpn\/wp-json\/wp\/v2\/media?parent=28114"}],"wp:term":[{"taxonomy":"category","embeddable":true,"href":"https:\/\/www.fmatin.org\/wpn\/wp-json\/wp\/v2\/categories?post=28114"},{"taxonomy":"post_tag","embeddable":true,"href":"https:\/\/www.fmatin.org\/wpn\/wp-json\/wp\/v2\/tags?post=28114"}],"curies":[{"name":"wp","href":"https:\/\/api.w.org\/{rel}","templated":true}]}}