{"id":28245,"date":"2020-11-19T05:22:15","date_gmt":"2020-11-19T04:22:15","guid":{"rendered":"http:\/\/www.fmatin.org\/wpn\/?p=18125"},"modified":"2020-11-19T05:22:15","modified_gmt":"2020-11-19T04:22:15","slug":"katekeze-15-maria-virjen-feto-harohan-nain","status":"publish","type":"post","link":"https:\/\/www.fmatin.org\/wpn\/katekeze-15-maria-virjen-feto-harohan-nain\/","title":{"rendered":"Maria Virjen feto harohan-na\u2019in"},"content":{"rendered":"

Katekeze 15<\/em><\/strong> \u2013 Maria <\/em>Virjen feto harohan-na\u2019in<\/strong><\/p>\n

PAPA FRANCISCO NIA KATEKEZE – 18 Novembru 2020<\/strong><\/p>\n

 <\/p>\n

Maun no biin-alin sira, bondia!<\/em><\/p>\n

\"\"<\/a>Iha ita-nia dalan katekeze nian kona-ba orasaun, ita hasoru\u00a0 Virjen Maria, <\/em>nu\u2019udar feto harohan-na\u2019in<\/em>. Na\u2019i-Feto harohan. Bainhira mundu sei la hatene nia, bainhira nia feto simples ne\u2019eb\u00e9 promete nu\u2019udar kaben ba mane ida husi David nia uma-kain, Maria harohan. Ita bele imajina feto-raan Nazar\u00e9 nian medita iha sil\u00e9nsiu, iha di\u00e1logu kont\u00ednuu ho Maromak, ne\u2019eb\u00e9 lalais de\u2019it entrega ninia misaun ba nia. Nia nakonu ho grasa no sala-laek husi kedas nia inan nia knotak, maib\u00e9 seidauk hatene kona-ba ninia vokasaun surprendente no estraordin\u00e1ria no kona-ba tasi si\u2019ak ne\u2019eb\u00e9 nia tenke he’an. Iha serteza ida: Maria hola parte ba grupu boot ema sira ho fuan haraik-an ne\u2019eb\u00e9 istoriad\u00f3r ofisi\u00e1l sira la hatama iha sira-nia livru, maib\u00e9 Maromak ho sira prepara ba nia Oan ninia vinda.<\/p>\n

Maria la dirije nia moris ho modu aut\u00f3noma: nia hein atu Maromak kaer nia moris ninia diresaun no gia iha-ne\u2019eb\u00e9 Nia hakarak. Nia dosil, no ho disponibilidade ida-ne\u2019e predispoin nia an ba eventu sira ne\u2019eb\u00e9 envolve Maromak iha mundu. Katesizmu<\/a><\/em>\u00a0f\u00f3 hanoin mai ita ninia prezensa konstante no atensaun nian ba Aman laran-di\u2019ak nia planu no iha Jez\u00fas ninia moris tomak (kf\u00a0CIC<\/a><\/em>, 2617-2618).<\/p>\n

Maria iha orasaun, bainhira arkanju Gabriel lori ba an\u00fansiu ba nia iha Nazar\u00e9. Ninia \u201cHa\u2019u mak ne\u2019e\u201d ki\u2019ik-oan no boot liu, ne\u2019eb\u00e9 iha momentu ne\u2019eb\u00e1 halo kriasaun tomak haksoit ho ksolok, ne\u2019eb\u00e9 molok ne\u2019e iha ist\u00f3ria salvasaun nian hah\u00fa ona ho \u201cha\u2019u\u00a0 mak ne\u2019e\u201d husi ema barak seluk, husi obedi\u00e9nsia barak iha konfiansa, husi disponibilidade barak ba Maromak nia vontade. La iha modu di’ak liu atu harohan hodi tau an hanesan Maria iha atitude abertura, fuan nakloke ba Maromak: \u201cNa\u2019i, buat ne\u2019eb\u00e9 \u00d3 hakarak, bainhira \u00f3 hakarak no nu\u2019udar \u00d3 hakarak\u201d. Katak, fuan nakloke ba Maromak nia vontade. No Maromak nafatin hat\u00e1n. Fiar-na\u2019in hira mak moris sira-nia orasaun nune\u2019e! Sira ne\u2019eb\u00e9 haraik-an iha fuan, harohan nune\u2019e: ho haraik-an esensi\u00e1l, ita dehan nune\u2019e: \u201cNa\u2019i, buat ne\u2019eb\u00e9 \u00d3 hakarak, bainhira \u00f3 hakarak no nu\u2019udar \u00d3 hakarak\u201d. No sira-ne\u2019e harohan nune\u2019e, la hodi hirus tanba sira nia moris loroloron nakonu ho problema, maib\u00e9 hodi b\u00e1 hasoru realidade no hodi hatene katak iha domin haraik-an nian, iha domin saran iha situasaun hotu, ita sai Maromak nia grasa nia instrumentu sira. Na\u2019i, buat ne\u2019eb\u00e9 \u00d3 hakarak, bainhira \u00f3 hakarak no nu\u2019udar \u00d3 hakarak. Orasaun simples ida, maib\u00e9 signifika tau ita-nia vida iha Na\u2019i nia liman: atu Nia mak gia ita. Ita hotu bele harohan nune\u2019e, kuaze lah\u00f3 liafuan sira.<\/p>\n

\"\"<\/a>Orasaun hatene halo sai\u00a0 hakmatek laran lahakmatek: maib\u00e9, ita lahakmatek, ita hakarak nafatin sas\u00e1n molok husu no ita hakarak iha kedas. Laran lahakmatek ida-ne\u2019e halo aat mai ita, no orasaun hatene halo\u00a0 hakmatek laran lahakmatek, hatene nakfilak iha disponibilidade. Bainhira ha\u2019u la hakmatek, ha\u2019u harohan no orasaun loke ha\u2019u fuan no halo ha\u2019u disponivel ba Maromak nia vontade, Virjen Maria, iha momentu uitoan sira Anunsiasaun nian, hatene dudu sees ta\u2019uk, maski nia sente ona katak ninia \u201csim\u201d sei lori ba nia provasaun maka\u2019as liu. Se iha orasaun ita komprende katak loron ida-idak Maromak haraik mai ita mak bolun ida, entaun ita sei loke luan fuan no simu buat hotu. Ita aprende dehan: \u201cBuat ne\u2019eb\u00e9 \u00d3 hakarak Na\u2019i. Promete de\u2019it mai ha\u2019u katak \u00f3 sei prezente iha ha\u2019u-nia ain-hakat ida-idak iha ha\u2019u dalan\u201d. Buat ne\u2019e importante: husu Na\u2019i ninia prezensa iha ain-hakat ida-idak ita-nia dalan nian: atu la husik ita mesak, atu la abandona ita iha tentasaun, atu la abandona ita iha momentu aat liu. Ami Aman ninia fin\u00e1l mak nune\u2019e duni: grasa ne\u2019eb\u00e9 Jez\u00fas rasik hanorin ita atu husu ba Na\u2019i.<\/p>\n

Maria akompa\u00f1a iha orasaun Jez\u00fas nia moris tomak, to\u2019o mate no moris-hi\u2019as; no ikusmai kontinua, no akompa\u00f1a ain-hakat dahuluk Kreda ne\u2019eb\u00e9 foin moris (kf\u00a0At<\/em>\u00a01,14). Maria harohan ho dix\u00edpulu sira ne\u2019eb\u00e9 atraversa esk\u00e1ndalu kr\u00fas nian. Harohan ho Pedro, ne\u2019eb\u00e9 monu ba ta\u2019uk no tanis tanba remorsu. Maria iha-ne\u2019eb\u00e1, ho dix\u00edpulu sira, iha mane no feto sira nia leet, sira ne\u2019eb\u00e9 nia Oan bolu atu forma ninia Komunidade. Maria la\u2019\u00f3s saserdote iha sira leet, lae! Nia mak Jez\u00fas nia Inan ne\u2019eb\u00e9 harohan ho sira, iha komunidade, hanesan ida husi komunidade. Nia harohan ho sira no harohan ba sira. No, dala ida tan, ninia orasaun antisipa futuru ne\u2019eb\u00e9 atu realiza daudaun: hodi Esp\u00edritu Santu nia obra nia sai Maromak nia Inan, no hodi Esp\u00edritu Santu nia obra nia sai Kreda nia Inan. Akompa\u00f1a dix\u00edpulu sira iha Kreda bee \u00a0moris daudaun nia ain-hakat dahuluk sira iha orasaun, hodi hein Esp\u00edritu Santu. Iha sil\u00e9nsiu, nafatin iha sil\u00e9nsiu. Maria ni aorasaun mak orasaun silensioza. Evanjellu haktuir de\u2019it Maria nia orasaun ida: iha Kan\u00e1, bainhira nia husu ba nia Oan, ba ema sira iha susar laran, ne\u2019eb\u00e9 atu monu daudaun ba moe boot iha festa. Maib\u00e9, ita imajina tok: halo festa kazamentu ida ho susu-been tanba la iha tua! Maib\u00e9 moe oins\u00e1 loos! No Nia, harohan no husu Oan atu rezolve problema ne\u2019e. Maria nia prezensa mak orasaun ona, no ninia prezensa iha dix\u00edpulu sira nia leet iha Sen\u00e1kulu, hodi hein Esp\u00edritu Santu, mak orasaun. Nune\u2019e Maria tur ahi Kreda, nia Kreda nia Inan. Katesizmu<\/a><\/em>\u00a0esplika: \u00abIha atan haraik-an nia fiar Maromak nia Don \u2013 katak Esp\u00edritu Santu \u2013 hetan akollimentu ne\u2019eb\u00e9 hein husi tempu in\u00edsiu kedas\u00bb (CIC<\/a><\/em>, 2617).<\/p>\n

Iha Virjen Maria, intuisaun feminina natur\u00e1l hetan reforsu husi ninia uniaun sigul\u00e1r liu ho Maromak iha orasaun. Tanba ne\u2019e, hodi lee Evanjellu, ita nota katak nia dalaruma parese lakon tiha, atu mosu fali iha momentu importante sira: Maria nakloke ba Maromak nia lian ne\u2019eb\u00e9 gia ninia fuan, ne\u2019eb\u00e9 gia ninia ain-hakat sira iha-ne\u2019eb\u00e9 presiza ninia prezensa. Prezensa silensioza inan no dix\u00edpula nian. Maria \u00a0prezente tanba nia Inan, maib\u00e9 m\u00f3s prezente tanba nia mak dix\u00edpula dahuluk, ida-ne\u2019eb\u00e9 aprende didi\u2019ak Jez\u00fas nia sas\u00e1n sira. Maria nunka dehan: \u201cImi mai, ha\u2019u sei rezolve buat sira ne\u2019e\u201d. Maib\u00e9 nia dehan: \u201cImi halo buat ne\u2019eb\u00e9 Nia sei dehan ba imi\u201d, nafatin hatudu nia liman-fuan ba Jez\u00fas. Atitude ida-ne\u2019e t\u00edpika dix\u00edpulu nian, no nia mak dix\u00edpula dahuluk: harohan nu\u2019udar Inan no nu\u2019udar dix\u00edpula.<\/p>\n

\u00abMaria rai buat sira ne\u2019e hotu, hodi medita iha nia fuan\u00bb (Lc<\/em>\u00a02,19). Nune\u2019e mak evanjelista Lucas halo Na\u2019i nia Inan nia retratu iha Evanjellu Inf\u00e1nsia nian. Buat hotu ne\u2019eb\u00e9 akontese ba nia remata iha reflesaun iha ninia fuan laran: loron sira nakonu ho ksolok, nune\u2019e m\u00f3s momentu nakukun liu, bainhira nia esforsu an atu komprende dalan sira ne\u2019eb\u00e9 Redensaun tenke hodi liu b\u00e1. Buat hotu remata iha nia fuan, atu bele taes iha orasaun no ho nia bele nakfilak. Bele Liurai sira nia prezente, ka halai ba Ejitu, to\u2019o loron Sesta paixaun nian: buat hotu Inan rai no lori iha ninia di\u00e1logu ho Maromak. Ema ida kompara Maria nia fuan ba fatuk-murak ho folin boot liu, forma no halo kabeer ho akollimentu pasiente ba Maromak nia vontade liuhusi Jez\u00fas nia mist\u00e9riu sira medita iha orasaun. Furak tebes se ita m\u00f3s bele sai uitoan hanesan ita-nia Inan! Ho fuan nakloke ba Maromak nia Liafuan, ho fuan silensiozu, ho fuan obediente, ho fuan ne\u2019eb\u00e9 hatene simu Maromak nia Liafuan no husik nia sai boot hanesan fini di\u2019ak ida iha Kreda.<\/p>\n","protected":false},"excerpt":{"rendered":"

Katekeze 15 \u2013 Maria Virjen feto harohan-na\u2019in PAPA FRANCISCO NIA KATEKEZE – 18 Novembru 2020   Maun no biin-alin sira, bondia! Iha ita-nia dalan katekeze nian kona-ba orasaun, ita hasoru\u00a0 […]<\/p>\n","protected":false},"author":1,"featured_media":18128,"comment_status":"open","ping_status":"closed","sticky":false,"template":"","format":"standard","meta":{"jnews-multi-image_gallery":[],"jnews_single_post":[],"jnews_primary_category":[],"jnews_social_meta":[],"jnews_override_counter":[],"footnotes":""},"categories":[37,44],"tags":[177,545,974,1174],"class_list":["post-28245","post","type-post","status-publish","format-standard","has-post-thumbnail","hentry","category-hau-fiar","category-nai-feto","tag-attiude-orante","tag-feto-harohan-nain","tag-maria","tag-orasaun"],"_links":{"self":[{"href":"https:\/\/www.fmatin.org\/wpn\/wp-json\/wp\/v2\/posts\/28245","targetHints":{"allow":["GET"]}}],"collection":[{"href":"https:\/\/www.fmatin.org\/wpn\/wp-json\/wp\/v2\/posts"}],"about":[{"href":"https:\/\/www.fmatin.org\/wpn\/wp-json\/wp\/v2\/types\/post"}],"author":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/comments?post=28245"}],"version-history":[{"count":0,"href":"https:\/\/www.fmatin.org\/wpn\/wp-json\/wp\/v2\/posts\/28245\/revisions"}],"wp:featuredmedia":[{"embeddable":true,"href":"https:\/\/www.fmatin.org\/wpn\/wp-json\/wp\/v2\/media\/18128"}],"wp:attachment":[{"href":"https:\/\/www.fmatin.org\/wpn\/wp-json\/wp\/v2\/media?parent=28245"}],"wp:term":[{"taxonomy":"category","embeddable":true,"href":"https:\/\/www.fmatin.org\/wpn\/wp-json\/wp\/v2\/categories?post=28245"},{"taxonomy":"post_tag","embeddable":true,"href":"https:\/\/www.fmatin.org\/wpn\/wp-json\/wp\/v2\/tags?post=28245"}],"curies":[{"name":"wp","href":"https:\/\/api.w.org\/{rel}","templated":true}]}}