Iha 30 Agostu, 2001, Timor-Leste hala’o ninia eleisaun livre ba dahuluk hafoin tinan 24 – sira vota ba membru ba sira-nia parlamentu foun ne’ebé sai responsavel ba hakerek Konstituisaun husi demokrasia foun. Iha 14 Abríl, 2002, lider rezisténsia Xanana Gusmão, ne’ebé hetan libertasaun husi prizaun iha Indonézia iha 1999, sai prezidente ba Timor independente. Iha 20 Maiu, 2002, tanba iha ona governu foun, Nasoins Unidas fó hikas soberania ba Timor ne’ebé sai nasaun demokrátiku foun liu iha mundu — no nasaun foun dahuluk husi miléniu datoluk. Selebrasaun hala’o iha Tasi Tolu, iha Dili. Iha meianoite, Timoroan sira hi’it bandeira foun Timor-Leste nian no kanta inu nasionál. Luta Timor nian ba liberdade hotutiha.
Timor-Leste nia Istória badak
Tuir antropólogu sira, ema ne’ebé tama Timor ba dahuluk, maizumenus iha tinan 40.000 to’o 20.000 m.K. (molok Kristu), mak husi...