CIAO Scuola organiza kongresu online ba loron rua, ho tema: “Salesian Educators: Advocates of the Global Compact of Education” liuhosi Zoom iha loron 26-27 Marsu 2021. Kuaze 200 partisipante mak partisipa iha kongresu ne’e. Partisipante sira ne’e mai husi nasaun hirak ne’ebé hola parte iha CIAO (Conferensia Interispettoriale Asia Orientale), hanesan: Philippines, South Korea, Laos, Papua New Guinea, Taiwan, Thailand, Timor Est, Indonesia, Cambodia, Vietnam, Hong Kong, Japan, Myanmar, Mongolia no Macau. Prezentador sira iha kongresu ne’e mak: Sr. Sarah Garcia, FMA, Sr. Elena Rastello, FMA, Cardinal Joseph Zen Ze-Kiun, SDB, Bispo Broderick Pabillo, DD, no seluk tan hanesan Sr. Runita Borja, FMA, Sr. Maria Assunta Inoue, FMA no Madre Jeral Me. Yvonne Reungoat, FMA, ne’ebé ho nia liafuan sira halo kongresu ne’e sai signifikativu no riku liu tan. Kongresu ida ne’e dudu edukador sira hotu bele servisu hamutuk nafatin no fo resposta ida konkretu liu tan nu’udar CIAO Eskola atu hatan ba dezafiu no objetivu ne’ebé Amo P
apa Francisco subliña iha “Global Compact on Education”.
Tamba Ispettoria TIN (Timor-Indonesia) mos hola parte iha CIAO, nune’e iha kongresu ida ne’e iha mos partisipasaun ativa no entuziazmu husi reprezentante professores no irman sira husi komunidade oin-oin. Sira mos halo esperiensia furak no riku tebes, liu-liu hetan korajem atu la tauk hasoru difikuldades sira ohin loron nian, maibe nafatin ho kreativa hatan ba difikuldades sira no buka dalan atu tulun ita nia labarik no foinsa’e ne’ebé Na’i entrega ona mai ita.
(Suzana Alves FMA)
