Ema hanoin hetan nia-an katak nia ki’ik liu iha mundo rai-klaran, nia sente-an katak nia la’o dadaun ba fatin ne’ebé nia hatene. Ema sarani moris iha fiar; laran-metin ba Maromak nia Moruk, la’o ho laran moos no di’ak ba moris hi’as. Hodi fiar; ema senti-an, iha nia susar no iha nia moris.” Lahó Ha’u imi sei la halo buat ida“. Na’i nia prezensa, hatudu loloos duni ona iha selebrasaun Eukarístika no iha haklaken nia Futar Lia. Fiar la hasai husi ema sarani susar loron ba loron nian, maibé hato’o ba nia, hein ho laran metin ba manán buat di’ak tebes nian, hasoru aat, domin hasoru ódio, moris hasoru mate. Neon metin ida ne’e buras hela iha fiar; sei lori ita ba laran metin kmanek wa’in tebes ida kona ba Na’i nia hakaran.
Iha domingu, ita halibur hamutuk iha família fiar nian, ita simu Maromak nia grasa hodi bolu Maromak ho naran Aman ne’ebé iha don Espiritu Santo nian ba nia oan sira. Iha Aman Maromak deit ne’ebé bele haraik fiar no forza atu bele hasoru akontesimentu oinoin iha moris no iha istória ho hakmatek. Hakmatek la’ós dehan katak laiha difikuldade no terus, maibe ho fiar metin katak Na’i besik ho ita nafatin, Nia akompaña nia kreda ne’ebé halo hela peregrinasaun iha mundu ida-ne’e, liuhusi dalan kontemplasaun iha Kristu. Ita bá Igreja atu bele haboot ita-nia hakaran ba uma lalehan nian, la’ós atu sai boot iha mundu ida-ne’e maibé, buka atu moris nu’udar Maromak nia oan loloos.
