Husi komunidade FMA/saleziana Balide
“Hanesan mehi ida, Sr. Primeiru Ministru Xanana mai vizita durante oras rua ho balun komunidade Balide”.
Dili – “Atu hasoru ita nia na’i-ulun sira iha sira-nia servisu fatin susar liu. Ami iha hakarak bo’ot atu hasoru ita-nia “Primeiro Ministro”, maibé nunka hetan okaziaun, husu informasaun lubuk ida maibé tenke liu eskada barak nune’e ami husik tiha de’it…no oportunidade ne’e mai degrasa iha domingu loraik, 16-Setembru-2012.
Ohin loron 16 Setembru 2012, loron furak, loron inaugurasaun Igreja (foin hadi’ak filafali) parókia Balide nian, PM mós partesipa iha loron ida ne’e. Hanesan ema baibain ami ba kumprimenta no aprezenta ami-nia an, katak ami mak FMA/saleziana sira husi komunidade Kristál-Balide…..aumenta uituan….ita hanoin hetan fatin ne’ebá?…..PM hamnasa midar…karik servisu barak nia haluha la dehan buat ida…ami kontinua ami nia konversa..f atin signifikativu liu tanba ho eventu ida ne’ebá ami sente katak Nai Feto Maria Ausiliadora proteje duni ami husi ita-nia inimigu sira….Xanana hanoin hetan katak fatin ne’e maka fatin nia aman-inan sira subar iha 1999 bainhira mílisia halo asaun “sunu-rai”….ho smilling face ami dehan keta haluha…no fahe malu…
Iha tuku 2 loraik nia seguransa bolu mai katak Xanana hakarak liu husi komunidade…imajina husi Balide mai to’o iha komunidade presiza tempu hira?….Ami la prepara nein ambiente no ladauk iha joven sira… Nia to’o ho simples no hela durante oras rua ho balun nia laran ho familiaridade no espontaneidade. Molok atu fila foin-sae no labarik oratóriu nian kumprimenta nia”.
