Inspetoria Santa Maria Domingas Mazzarello “TIN” hahu husi dia 19 fevereiro ate dia 13 maio 2026 iha visita Canonica Ir. Maria Assunta Sumiko Inoue nu’udar konsiliera visitadora ba nivel CIAO (Conferensia inter -Inspetoria Asia Oriental) nian iha Timor no Indonesia. Nu’udar Inspettoria momentu visita canonica ho superiora husi Roma mak momentu grasa no renovasaun nian ba irman ida-idak, komunidade no misaun edukativa tomak, tamba sai momentu espesial no bensaun nian ba inspetoria. Tamba dadaun ne’e konsiliera visitadora Ir. Assunta iha Timor nune’e mak sai oportunidade ida ba madre provincial sira husi Nasaun Asia Oriental hodi bele halibur hamutuk ba sira nia formasaun no preparasaun seluk ba Kapitulo Jeral XXV Instituto nian.
Ho motivo hirak ne’e mak madre sira husi CIAO, hahu sira nia Enkontru CIAO realiza iha Timor. Madre Provinsial sira hahu to’o iha Timor iha dia 4 marzo ho data ne’ebe mai husi nasaun ida-idak diferente. Enkontru hahu husi loron 5 marzo ne’ebe hahu kedas ho santa Misa ne’ebepreside husi pe. Rolando Fernandez, SDB. Nu’udar inspetoria Santa Maria Mazzarello (TIN) aproveita ho madre provinsial sira nia presenza iha loron hirak ne’e hodi halo marka significativa istorika hodi halo abertura ba mostra inspetoria iha uma noviziadu. Mostra ne’e nudar pasu ida preparasaun tinan daruak nian ba espedisaun misionaria FMA dahuluk hodi prepara an atu selebra 150° iha tinan 2027 tinan oin. Maske nudar Instituto tomak hahu ona partisipa iniziativa sira ne’ebeCentro Roma propoe peregrinasaun online ba mundo tomak, maibe mos inspetoria Timor -Indonesia ho kreatividade oferese oportunidade ba komunidade hotu iha Timor atu halo peregrinasaun modo fisikamente bele visita komunidade dahuluk nebè Misionaria sira dahuluk hahu iha Venilale. Madre misionaria nain tolu ne’ebehahu misaun iha Rai Timor. Atu marka momentu istorika ida ne’e mak madre Maria Assunta Sumiko Inuoe ho madre provinsial sira husi CIAO bele fo korajen no fo motivasaun liu tan ba irman sira no konvida atu hahu tau matan ba istoria Inspetoria nian ne’ebehola parte nu’udar liman rohan pedasuk ida iha istoria boot Insitituto nian. Istoria nia pedasuk ida ne’ebepresisa halibur, konserva, tau matan no haktuir ba jerasaun sira tuir mai oinsa Nai nia liman fatin ne’ebe serbisu ona no sei serbisu dadaun husi FMA no komunidade edukativa ida-idak nia presenza. hafoin halo inagurasaun no visita mostra.
Iha loron tuir mai, sira hahu sira nia enkontru empenhativa tebes iha salaun TOT ba loron tomak. Depois de rekreasaun madre sira asiste dramatizasaun ida ne’ebe halo sintesi kona ba bem aventuransa ho Festa kana nian iha ne’ebe apresenta husi menina komunidade Divina Provvidenza nian. Presentasaun ida ne’e halo ligasaun ho sira nia preparasaun ba tema kapitulo jeral XXV nian.
Loron ba dala tolu madre sira kontinua ho sira nia serbisu nudar CIAO. Iha oras merenda loraik madre sira ba Lecidere hodi hare mostra Arquidiocese nian no hasoru malu ho don Virgilio Cardeal do Carmo da Silva, SDB hodi dada lia kona ba realidade kreda Timor hafoin madre sira kontinua sira nia visita ba komunidade s. João Bosco Balide. Iha oras 18.30 iha Kapela noviziado selebra santa misa domingu nian husi pe. João Boavida, SDB. Molok kontinua ho han kalan tradisional Timor nian ne’ebe prepara husi profesora no estudante sira escola Tecnica Vokasional Venilale hodi serbi bainaka sira ho meja tradisional no meja moderna. Madre sira apresia tebes estudante sira ne’ebe ho domin no ksolok prepara aihan tuir sira nia koñesementu no buat ne’ebe sira aprende hodi serbi ho professional tan oferese aihan ne’ebe saudavel. Hafoin han kalan iha momentu agradesementu nian hamutuk ho komunidade sira ne’ebe iha Dili ho grupo Lezeval husi danza foinsa’e sira professional ho estilu oinoin hodi hato’o agradese wain.
Nudar inspetoria ami agradese ba presenza madre sira husi CIAO ne’ebe ho simplisidade no tuir espiritualidade Salesiano moris hanesan bin alin no apoio malu iha misaun. Madre sira nia presenza hatudu madre Mazzarello nia oin ne’ebe furak tuir kultura no lian ida idak nian ne’ebe nakonu ho espiritu Familia. Hamutuk ho madre sira ami agradese ba diak tomak ne’ebe Nai halo ona no sei halo dadaun ba ami ida idak iha Inspetoria TIN.
Ir. Julia Marçal, FMA
