Maluk no irman le’e nain sira, revista FMA tatoli, iha sesaun dahuluk ba tinan 2026, ita nia tema sei lori ita atu reflete oituan kona ba “FIAR”. Movimentu fiar ida-ne’e subliña importánsia moris fiar ida ne’ebé la’ós nu’udar esperiénsia izoladu, maibé nu’udar parte la’o dalan hamutuk nian, hodi hametin sasin fiar iha moris lor-loron. Sei hariku mos ita Streia ne’ebé Reitór-Mor, Pe. Fabio Attard,SDB entrega ona ba Família Saleziana tomak, ho tema: “HALO TUIR BUAT NE’EBÉ NIA SEI DEHAN BA IMI” Fiar nain sira, livre atu servi. Reitór-Mor husu ita atu asume Streia nu’udar itineráriu espirituál, no guia ida iha kreximentu fiar nian.
Iha fulan hirak ne’e ita moris esperiensia fiar no ksolok nian tan hetan visita husi Ir. Maria Assunta Sumiko Inoue nu’udar konsiliera visitadora ba Inspetoria Santa Maria Domingas Mazzarello. Iha ninia visita aproveita mos hasoru malu ho madre Provincial hotu husi CIAO (inspetoria Japaun, Korea, Vietnam, Thailandia, Timor, Myamar) ne’ebé realiza sira nia inkontru durante loron tolu iha Centro Formasaun S. João Paulo II “TOT” .
Atu remata hakarak bolu atensaun atu ita hatan ba Amo Papa Leão XIV nia apelu hodi reza ho Amo Papa ba Paz iha mundo, maibe liuliu ba medio oriente. Orasaun ba paz nian ne’ebé kompostu ona husi amo Papa rasik, ba motivu ida ne’e mak konvida iha ita nia pratika piedade sira no adorasaun tuir instrusaun ne’ebé Amo Papa hato’o ona liuhusi ninia mensajen urbi et orbit iha prasa Saun Pedro iha domingu resureisaun 05-abril-2026.
Redasaun
