Leitura sira domingu ne’e nian konvida ita atu reflete ita-nia “transfigurasaun”, ita-nia konversaun ba moris foun husi Maromak.
Leitura dahuluk aprezenta mai ita Abraun, modelu fiar-na’in nian. Ho Abraun, ita simu konvite atu “fiar”, katak, iha atitude ida konfiansa totál, aseitasaun radikál, saran an tomak ba Maromak nia planu sira ne’ebé nunka falla no nafatin fiél ba ninia promesa sira.
Leitura daruak konvida ita atu hakribi atitude foti-an nian, autosufisiénsia no trinfalizmu nian, mai husi kumpre ritu esternu sira; ita-nia transfigurasaun mak rezultadu husi konversaun fuan nian, harii iha sinál krús nia okos, katak, domin no saran an nian.
Evanjellu aprezenta mai ita Jezús, Aman Maromak nia oan doben, ne’ebé liuhusi ninia krús konkretiza libertasaun. Maromak nia projetu libertadór liuhusi Jezús la hala’o hodi podér no triunfu, maibé hodi entrega moris no domin ne’ebé fó to’o mate. Ne’e mak dalan ne’ebé lori ita mós ba transfigurasaun iha Ema Foun.
