Liturjia mós halo “jejún” nu’udar preparasaun ba Páskua
Kuarezma marka ho omisaun litúrjika rua. Bandu atu harohan ka hananu Glória nune’e mós Aleluia (hananu molok Evanjellu) durante loron haatnulu molok Páskua (ho exesaun ruma). Maibé tanba sá?
Glória
Uluknanai Glória mak knananuk ka inu ida ne’ebé selebra Na’i nia hiit-an mai no Kreda, durante Kuarezma, filafali ba espíritu tempu nian iha-ne’ebé Maromak nia povu iha ezíliu, hein Mesias atu mai no salva sira. Ne’e mak tempu ida hanesan ho Adventu, maibé envezde hein Kristu nia moris iha Maria Virjen nia knotak, povu kristaun hein “moris” daruak Kristu nian husi rate.
Hafoin, hodi tuir espíritu ezíliu nian, Kreda bá hamutuk ho Moisés no Isarelita sira iha rai-fuik maran. Ne’e mak tmepu ida agoni ano purifikasaun nian.
Aleluia
Ho modu hanesan, liafuan “aleluia” nia abut iha espresaun ebraika ida ne’ebé signifika “hahí Na’i” [halel] no, tanba ne’e mak hasai Aleluia durante Kuarezma.
Tempu litúrjiku tomak iha ninia knananuk rasik no presiza hatene hili. Iha Kuarezma ita la haksolok, maibé laran-moras ka halerik ba ita-nia salan sira, hodi hateke ba buat sira ne’ebé impede relasionamentu auténtiku ho Maromak. Liuhusi prátika orasaun, jejún no esmola nian, ita sei hetan kbiit atu haksolok hikasfali iha Páskua, basá ita la selebra de’it Kristu nia moris-hi’as, maibé ita-nia moris hikasfali iha espíritu.
