Dili – Liu tiha tinan rua atu tama ba tinan tolu eskola Maria Auxiliadora tenki dehan agradese no boa missaun ba madre Carmen nu’udar ami nia manajer, jestora no administradora ne’ebé nakonu ho fuan bibi-atan di’ak no laran-sadia iha Komunidade Eusebia no Eskola Maria Auxiliadora.
Madre Carmen iha eskola Maria Auxiliadora nu’udar Tesoureira ne’ebé la’ós tur de’it atu sura ka simu osan, wainhira estudante sira nia inan ka aman mai selu eskola no halo pagamentu ba professores sira, liutan ne’e nia nu’udar inan , bin no edukadora iha ninia knar sira. Nia ema ne’ebé nakonu ho energia, servisu la para, hamos, dasa, tau sasan iha order hamutuk ho trabalhadores sira, no nakunu ho zelo missionaria, professores, trabalhadores, estudantes sira dehan:” madre kuandu la’o ita la’o tuir la toman, servisu mós lalais liu, la sente kole, maibé oin nafatin midar, iha atendimentu ho familia sira”.
Nia mós hala’o ninia apostuladu iha hospital no vizita dadur sira. Nune’e durante agradesimentu hotu agradese ba ninia laran-luak hodi hanoin buat di’ak hotu ne’ebé nia halo ba eskola no komunidade, hodi promote atu reza nafatin ba madre nia knar foun, no madre Carmen mós iha nia parte agradese ba ema hotu ne’ebé servisu hamutuk ho nia ne’ebé sente hanoin sira maibé tanba FMA mak oan obediénsia-nian nune’e nia tenki bá, maibé ninia fuan hela nafatin iha eskola Maria Auxiliadora tanba iha iha eskola ida-ne’e mak ninia hahú ninia missaun nu’udar missionaria ne’ebé nakonu ho laran manas. Obrigada madre Carmen ami akompaña nafatin ho ami nia orasaun. No iha tempu merenda escolar nian ami, ema iha Mercado faan modu, loza naan nian sei sente falta liu…..
GRACIAS. (EBC”MA”).
