Dili – Loron 24 de Fevereiro estudantes Maria Auxiliadora hamutuk ho professores sira partesipa Missa, hodi komemora Na’in Feto Maria Auxiliadora ninia loron, ne’e halo parte ona ba tradisaun eskola nian katak fulan-fulan dia 24 sempre iha missa hafoin simu bensaun Na’in Feto Auxiliadora nian husi Amo Pároco Pe. Elias Maia de Deus, SDB ho tempu hanesan dia 22, 23 iha konfessaun nafatin, ha’u hakarak foti opurtunidade ne’e atu agradese ba Padres Salesianos ne’ebé prontu nafatin fulan-fulan atu administra sakramentu konfissaun ba estudantes hamutuk nain 500 liu, obrigada ba imi nia disponibilidade hanesan Bibi Atan di’ak no Dom Bosco nia oan doben sira.
Durante Missa ida-ne’e mós estudantes nain 20 renova fali sira nia promessa nu’udar Estrutu Konsellu ba estudantes sira iha tinan 2017 -2018. Parabens ba imi.
Tuir mai ne’e chefe ba Konsellu estudantes sira hato’o sira komitment ruma, atu servi ka sai liman ain ba edukadores sira iha aredor eskola Maria Auxiliadoa nian.
Ha’u (Novita Alves estudante 80 ano) nu’udar chefe ba Konsellu estudantes sira nian, iha hakarak boot atu sevisu hamutuk ho Seksaun selu hanesan; liturgia, komsos, seguransa, lójistika, ..komsumsi, seksaun desportu, nsst atu organiza didi’ak ami nia aktividades estra kurrikuler iha eskola, tanba liuhusi aktividades extra hirak ne’e tulun ami atu sai ema ne’ebé bele hamriik mesak, responsavel, kreativa fiar an no liderasan. Nune’e ohin ami promete iha altar oin atu serví ka serbisu no sai liman ain professores no ajuda tuir ami nia assosiasaun ninia objetivu no propozitu sira:
- Organiza no responsabiliza ba aktividade oioin husi estudante sira.
- Hadi’ak ambiente eskola nia – liuhusi promove protesaun (safety) limpeza, disicplina, valor pozitivu sira, no mantein ambiente eskola nian iha kondisaun ne’ebé di’ak.
- Fó motivasaun no enkoraja partesipasaun husi estudante hotu-hotu hodi identifika no hatan ba issue ne’ebé preukupa sira, liu husi lideransa estudante sira nian.
- Promove oinsa mak estudante sira sente sai na’in rasik duni ba sira nia eskola no iha prosesu foti-deszaun.
- Estabelese parseria entre professores sira no jestaun eskola nian liu husi servisu ne’ebé besik no Mata-dalan Konsellu estudante nian (ligasaun ho professor/a sira)
- Reprezenta vizaun husi estudante hotu-hotu iha eskola
- Promove inisiativa, entuzismu, no kooperasaun entre estudante sira liu husi sira nia partesipasaun no envolvimentu.
Nune’e ami nu’udar konseluu ho madres no professores sira nia tulun tinan ida-ne’e ami koko atu tau pratika ba objetivu ni propozitu 7 ne’e. Ami hotu prontu la’o maski ami sei adolesente maibé ami sente iha hakarak boot atu serbí. (EBC “MA)
