Husi irmán Angelita Gomes
Metinaro – Tinan-tinan Departementu Juventude Katólika DIoseze Dili nian, hala’o atividade kompetisaun múzika ba foin-sa’e sira iha Solo no Banda. Tinan ida-ne’e tama ba dala lima ona. Liuhusi dalan ne’e ami bele fó formasaaun ba foin-sa’e sira ne’ebe dook husi Igreja. Múzika mak fasilitadór ida agregasaun nian, halibur ema no la fahe sira.
Ami foti oportunidade ida ne’e atu fó formasaun no halo esperiénsia moris nu’udar komunidade ba loron 3 ka 4 ne’ebé hanaran “Karantina”. Horisehik ami ba hala’o atividade solidariedade harii uma ba famiíia ida ne’ebé kiak liu iha Metinaro. Joven sira rasik halubur hamutuk osan hodi sosa semente, pregu, kalén, bebak, rai henek, nst. Sira rasik mak halo inisiativa ne’e hodi tulun família ne’e ne’ebé katuas no ferik ona ho oan mane ida ne’ebé hetan moras polio ba tinan 16 ona, hodi labele book an. Horisehik mós grupu JSS (Joven Super Star 2012) halo atividade iha loron hira ne’e nia laran hodi aprende reza hamutuk, fahe Maromak Nia Liafuan, hakbesik an ba sakramentu Eukaristia no Rekonsiliasaun, esperiénsia moris hamutuk. Iha tempu ne’e mós sira hetan posibilidade atu hakbesik padre ka madre sira ba akompañamentu no counselling.
