Dili – Iha loron 20 Agostu 2018, iha uma Salesiano Comoro selebra “Dias das Missões Salesianas” (DMS) 2018.
Enkontru ne’e organiza husi ekipa Misaun Adgentes pe. Manuel Fraile, SDB. Partisipa husi membru Familia Salesiana sira: SDB, FMA, ADMA, Salesianos Cooperadores, Antigos alunos, joven sira no mos konsilliu parokial Maria Ausiliadora nian.
enkontru hahu ho selebrasaun Eukaristika iha kapela CENTEC, hafoin kontinua ho “Eventu Misionariu salesiano. Iha enkontru ne’e fahe ba parte rua (2).
Parte dahuluk TEMA 2018 O PRIMEIRO ANÚNCIO E A FORMAÇÃO PROFESIONAL NA ÁSIA ” SUSURANDO O EVANGELHO”.
Joven salesiano ida, aprezenta Poster ne’ebé joven salesiano Vietnamita ida naran Peter Le Duoc SDB, mak pinta no aprezenta ba Reitor Maior no Reitor Maior foti nu’udar simbol ba loron missionario salesiano 2018 nian.
Poster ne’ebé prepara husi joven artista salesiano ne’e, komposta husi imajem haat (4). Imajem sentral mak:
- A nova Cruz missionária salesiana, fo hanoin ita nu’udar salesiano don Bosco no familia Salesiana, simu bolun atu sai misionario ba joven sira. Jesus BIBI ATAN DIAK, sai ita nia modelu, NIA mak wee matan ita nia ksolok nia, ita nia Fiar, ita nia Esperansa no ita nia domin.
- A luz radiante dourada que desce do alto e que continua como um suave Fluxu de água, ne’e signifika Espirito Santo nia prezensa, ne’ebé kontinua orienta no haroman misionario/a salesiano iha nia moris no knaar misionario nian, no indika mai ita metodologia Primeiro Anúncio, hala’o ho pasiensia no hakmatek, diskreta no respeitoza, iha tempu hanesan komunika a Boa- Notí
- Jovens dos nossos centros salesianos de formação professional representa ita nia kampu serbisu iha nasaun Asiática, iha sosiedade ne’ebé dala barak marka ho kontradisaun entre riku no kiak. Hasoru iha Asia joven sira ho kultura, relijiaun no ekonomiku. Ho pasiensia no domin, ita akompaña sira iha edukasaun no formasaun ba hasoru mundu serbisu.
- Dom Bosco ne’ebé tuur iha mapa mundo, fo hanoin kona ba ita nia Aman nia mehi kona ba misionario.
Parte daruak aprezentasaun kona ba servo de Deus pe. Carlo Braga, SDB. Figura misionaria estraordinaria husu Rejiaun EAO, partikularmente iha China no Filipinas. Apresenta husi pe. Emil Santos SDB, mai husi Manila, nia nu’udar “Procurador da Causa” beatifikasaun no kanonizasaun nian iha Filipinas.
Pe. Carlo Braga moris iha loron 23 Maio 1889 iha rai Tirano, iha Valtellina zone Lombardia Italia. Nia mama Maddalena Mazza, mate mesak iha hospital bainhira Carlino foin tinan neen (6).
Iha momentu ne’e, iha FMA sira mak simu nia iha sira nia eskola iha Tirano. Bainhira nia hela ho salesiano sira iha Sondrio providensialmente nia hasoru ho don Bosco nia sucesor Beato Miguel Rua, ne’ebé loke ba nia dalan atu tuir don Bosco no sai salesiano. Nune’e Carlo hahu nia formasaun iha tinan 1904 tama novisiado iha Provinsia Centrale Foglizzo, halo profeisaun iha 30 Jullu 1906, no 11 April 1914, nia ordena sacerdotal. Simu Kruz Misionario April 1919 Reitor Maior don Paolo Albera, iha Valdocco, hamutuk ho salesiano seluk eis-militar hanesan nia. Sira sai husi Italia loron 23 Agusto no to’o rai misaun China iha 29 Setember 1919. Nia misionario iha China 1919 to’o 1952, tinan ne’ebé komunista duni sai misionario sira husi China, padre Carlo hamutuk ho nia maluk sira simu konvite husi Filipinas no nia to’o iha Filipinaas iha 1953 iha Victorias. Iha ne’ebé deit, padre Carlo serbisu maka’as ba foinsa’e sira hodi loke eskola no sentru oratorio sira, nia promove nafatin espiritu familia nian. No nia mate iha loron 3 Janiero 1971, ho idade 81 iha Bacolod, Pampanga, Filipinas.
Iha momentu ida ne’e, iha Filipinas hala’o hela prosesu diocezana ba ninia dalan santidade nian.
(Sebastiana Soares)
