Iha loron 29 fulan Janeiru tinan 2025 Komunidade São João Bosco Balide.Irman sira hamutuk ho Menina Larista sira, animador sira, ADMA sira no Kursu sira no oratoriano balun, hodi selebra antisipa Festa São João Bosco nian, ne’ebé Prezide husi Pe.João Aparicio,SDB.
Iha Padre Nia homilia dehan Don Bosco ema kiak ida no nia familia serbisu iha to’os deit. Maibe Nia hetan Formasaun di’ak no akompanhamentu husi nia mama rasik,tan ne’e ikus mai nia deskobre nia Vokasaun hodi sai Nailulik no tau matan ba foinsa’e sira. Padre, mos dehan ba Foinsa’e sira katak Don Bosco maske kiak no ekonomia familia la suporta maibe Don Bosco realiza nia mehi ne’e ho maneira oi-oin hodi tau konfiansa iha deit Maromak.Nune’e mos imi Foinsa’e sira bainhira imi eskola lalika buka fatin furak liu tanba ida ne’e ladun importante ida ne’ebe importante mak Forma didiak ita nia-an atu sai ema ne’ebe di’ak iha futuru .
Pe.João mos Agradese no apresia tebes ba foinsae sira nia prezensa iha Santo Padre nia Vizita iha Timor-Leste 09-11/11/2024, tanba ho foinsae sira nia presensa halo mundu tomak hakfodak no orgullu,Santo Padre rasik dehan Nia apaixonadu ba rai ne’e.Padre mos repete fali Santu Padre nia lia menon iha Tasi Tolu ne’ebe dehan ( tenke halo labarik barak, espresaun ida ne’e presiza komprende ho senso positivu) tanba labarik sira mak futuru nasaun ida ne’e nian, se nasaun ida la iha labarik no Foinsae sira mak nasaun ne’e sei mate.
Ikus liu Padre nia omilia iha liafuan ida ne’ebe dada tebes Foinsae sira nia atensaun, Padre dehan Don Bosco forma foinsae sira laos atu sai atan ba sosiedade no Kreda maibe atu sai lider no protagonista iha nasaun no Kreda.
Sara Salsinha
