Narrasaun selebrasaun paskál Jezús nian ho nia eskolante sira, molok nia mate, mak eukaristia sarani nia sertidaun moris nian: inisiativa mai husi Jezús nia parte no eskolante sira tuir ninia instrusaun iha preparasaun. Detalle ne’e la’ós insignifikante ka simples: iha Jezús nia meza la’ós katak naran sé mak hakarak mai han, maibé ida-ne’ebé simu konvite; maibé konvite la dehan katak la presiza esforsu preparasaun nian. Iha kedas han-kalan ikus nian, iha hahalok saran paun no tua nian, sai sínteze kona-ba buat ne’ebé akontese, no sai interpretasaun kona-ba saran moris rasik nu’udar moruk foun; buat ne’ebé sai memória la’ós konvivénsia ho Jezús, maibé ninia vontade atu mate maka sai memória no motivu agradesimentu ba nafatin nian ba sira ne’ebé partilla ho ninia meza. Ita-nia eukaristia sira ne’ebé moris husi Jezús nia saran an ba ema barak, tenke prepara no selebra ho saran an rasik: memória eukarístika la’ós fiél, se la repete ho jestu eukarístiku sira: simu Jezús nia prezente ba ita-nia moris husu no obriga ita atu sai prezente ba maluk sira, isin no klamar. Nune’e de’it mak ita halo sai kredivel ita-nia selebrasaun sira.
Domingu II Tempu Kuarezma – Tinan B
Iha Domingu II Kuarezma nian, Maromak nia Liafuan define dalan ne’ebé dixípulu loos tenke tuir atu to’o ba moris foun:...
