Liturjia Domingu da-18 Tempu Komún repete, mensajen husi leitura sira domingu liubá nian, asegura ita katak Maromak kompromete an atu oferese ba nia Povu ai-han ne’ebé fó moris rohan-laek.
Leitura dahuluk haktuir mai ita Maromak nia preokupasaun atu oferese ba nia Povu, ho atensaun lais no domin, ai-han ne’ebé fó moris. Maroma nia asaun la’ós de’it atu habosu nia Povu nia hamlaha fíziku; maibé hakarak mós (no liuliu) tulun Povu buras, sai tasak, manán mentalidade kloot no egoísta, sai husi takan no foti konxiénsia kona-ba valór seluk.
Iha evanjellu, Jezús aprezenta An nu’udar “paun” moris ne’ebé tun husi lalehan atu fó moris ba mundu. Ba sira ne’ebé tuir Nia, Jezús husu atu aseita “paun” ne’e – katak, rona liafuan sira Nia hateten, simu sira iha fuan, aseita valór sira, atu hakohak ninia proposta
