Fuiloro – Komunidade FMA no SDB iha sentru Misaun Fuiluro, hamutuk ho labarik, foin-sa’e, Antiga/u alunu/a sira no ADMA selebra Festa Bisentenario, iha loron 19 Novembru iha gym Salesiano Fuiluro.
Festa hahu’u ho bemvindos ba Padre provincial SDB, madre pronvincial FMA hautuk ho autoridade sivil distritu Lautem, hodi tara tais ho dansa tradisional Lospalos nian. Hafoin tama iha gym kontinua ho selebrasaun Eukaristica, preside husi provincial pe. Virgilio, no iha mos padres salesiano sira husi komunidade Don Bosco Lospalos no komunidade salesiano Fuiluro.
Festa nia tema “Hanesan Don Bosco ho foinsa’e sira”. Nune’e iha selebrasaun Eukaristia envolve salesiano sira, FMA, inan-aman, labarik no foinsa’e sira.
Komunidade SDB no FMA hamutuk ho sarani sira hotu ne’ebe mai husi estasaun misionario Fuiluro nian, prepara festa ne’e liu husi Na’i Feto Ausiliadora ho Don Bosco nia vizita ba kapela no knua sira hotu, hahu’u husi Tutuala to’o Raça no ikus nian Nai Feto nho Don Bosco vizita koleju Madre Morano, no hela durante fulan tolu, hafoin molok Festa menina no menino husi koleju SDB no Morano akompana lori fila ba kapela Salesiano nian. Buat furak mak momentu preparasaun ha’la’o Tridum ba Don Bosco, iha Misa no konfisaun ba sarani sira hotu ne’ebe’ sei partesipa Festa boot ne’e.
Nune’e iha momentu homilia nian, pe. Virgilio fo ninia komentario katak, “ne’e mak momentu grasa nian, la’os deit festa nian, maibe hein katak ho Nai Feto ho Don Bosco ninia vizita iha knua sira, lori mos moris foun ba familia no foinsa’e sira hotu. Liuliu ba foinsa’e sira atu ho bicentenario Don Bosco nian hadaet santidade ba imi hotu”.
Depois de santa Misa, iha momentu fahe premeio ba manan nain sira iha jogos Don Bosco Cup no Kadi Kakutak, hafoin tuir mai iha almoço hamutuk, no molok remata festa iha momentu ne’ebe’ oratoriano sira hein ho ksolok: konvivio husi sentru oratory sanulu-resinrua ne’ebe’ hola parte ba Misaun Salesiano Fuiluro, halo rame festa Don Bosco liu husi sira nia kanta no danza sira. Hafoin remata ho liafuan badak provincial FMA madre Alma.
(FMA Fuiloro)
