Loron 21-22/06/2025, Dili-Comoro, iha comunidade divina providencia. Loron ida ne’ebe comunidade reza ho modu espesial ba sira hotu ne’ebe hela hamutuk no kolabora hamutuk iha misaun, ba foinsa’e, irman, padre kapelaun no konfessor, comunidade edukativa, kolaboradora no liu-liu ba madre Sanzinha de Jesus FMA, ba ninia animasaun nu’udar inan no bin iha komunidade. Loron 21 ami hahu ho selebrasaun Eucaristia ne’ebe selebra husi Padre Acacio de Castro SDB, iha nia omilia dehan: ohin ita agredese ba Maromak ba kmanek hotu ne’ebe ita simu. Ohin iha evangelho Domingo nian ne’ebe Jesus esplika ba ita iha kontexto ida. No tema ba reflesaun mak identidade no misaun. Tuir Jesus ne’e esizente ida, iha tempu ne’eba Jesus bolu nia Apostulu sira atu halo passeu ida, passeu ne’ebe Jesus lori sira mak iha Cesareia Filipe, fatin furak bee fresco, natureza ne’ebe bolu tebtebes ema atu ba iha neba, misaun ne’ebe Apostulo sira halo, Jesus hare katak sira kolen tanba sira ba haklaken no halo milagre sira nune’e Jesus bolu sira ba fatin hakmatek, hafoin Jesus husu ba sira, banhira imi ba hanorin ema imi haklaken saida? Imi haklaken se? Bainhira koalia kona ba Maromak no Messias sira la dun kompriende, nune’e ema sira ne’ebe imi hasoru sira dehan hau ne’e se? Resposta sira laos fasil. Nune’e Jesus dehan: ema nebe hakarak tuir hau laos sa’e kareta, laos lori telefone maibe dehan lori hau nia Krus. Tuir Jesus ne’e laos dalan atu hetan ksolok, atu hetan apresisaun, laos atu ema basa liman ba ita, maibe dehan saran o nia moris.
Depois de santa missa kontinua ho jantar confraternizasaun no divertimento, hafoin madre Sanzinha hato’o mensajen badak ida hodi agradese ba Padre Acacio nia prezensa iha ami nia leet nudar gia ami nia moris espiritual, no agradese ba irman ida-idak ne’ebe moris hamutuk iha comunidae no agradese ba foinsa’e sira nia prezensa hanesan espelho ida ne’ebe halo ami hatudu ami nia Ser nu’udar FMA ida, atu bele akompana imi ida-idak. Liafuan agradesemento baibain ita koalia ba buat hotu, bainhira ita agradese ita deskobre buat furak sira no liafuan agradese sai hansan unifica sirkuntansia moris nian, laos tanba ita nia esforsu maibe Maromak mak halo iha ita nia vida. Ikus Padre Acacio mak fo boanoite. Ita nia esperensia moris ne’e mak sai bensaun no grasa ida, ita nia espiritualidade ne’ebe halo ita haksolok nafatin. Momento furak atu ita agradese ba buat diak hotu ne’ebe ita sira simu. Hafoin loron tuir mai 22/08 comunidade hamutuk ho comunidade edukativa padre Acacio ho nia staff sira no foinsa’e sira halo passeu iha Atauro.
Ir.Teresa Correia FMA
