DiIi Tasi –Tolu 15-11-2026.Oratorio centro haat [4] Maria Auxiliadora lagoa 1,Santa Maria Troncatti lagoa 2 ,São Jose, lagoa 3 no São João Paolo II halibur hamutuk iha Kapela Nossa senhora da graça hodi halo festa agradesimento nian.
Iha festa ida ne’e hahu simu Madre Diretora Me.Angelita Gomes, FMA ho dansa bemvinda no fo ai-funan nu’udar sinal domin akolhensa nian.Hafoin kontinua ho santa missa ne’ebe preside hosi padre Casimiro Morais, SDB iha ninia omilia hateten : festa agradesimento mak momento ida ne’ebe importante tebes ba ita ida-idak atu agradese ba Maromak ba grasa oi-oin ne’ebe ita simu hosi Nia no Oratorio mak fatin ne’ebe ita ida-idak dezenvolve ita nia-an, liu husi atividade sira mak hanesan kanta ,toka, dansa, pinta ida ne’e mak talentu ne’ebe ita hetan husi Maromak no liu husi talentus hirak ne’e ita uza hodi bele hahi no agradese fali ba Aman Maromak. Padre mos dehan tan, oratorio la’os kanta,dansa de’it maibé ita mos ba aprende atu hadomi Maromak no hadomi ita nia maluk sira.
Depois de missa iha liafuan ikus husi Me.Angelita ne’ebe hato’o hela ba Oratoriano sira dehan: ohin ita mai hamutuk iha ne’e hodi agradese ba malu ba buat ne’ebe ita simu husi madre, Novisia no Animadores tamba sira fo sira nia tempu hodi mai hamutuk ho imi, anima imi iha fatin Oratorio.
Representante husi Oratorio ida hato’o liafuan agradese ba Madre Diretora ne’ebe sai hanesan inan, bin, ba ami oratoriano sira. Agradese ba madre nia prezensa nu’udar inan no tali komuñaun nian. Hafoin labarik no Animadores agradece kedas ba madre Angelita madre Alice,madre Martinha,madre Libanha, madre Sidonia no Novisia sira ho knananuk ida kona-ba ‘’Kristu Nia domin ne’ebe halibur ita hotu’’ no Animadores sira kanta ‘’Agradese tamba domin Ita fo’’.Depois de Almoso iha tan animasaun kada oratorio ida-idak aprezenta sira nia dansa no kanta. Hafoin halo jogus oin-oin hanesan : tata berlindus,sama bolăo, dansa kaixa no passa borraxa ba malu ne’ebe uza kesak, liu husi jogos sira ne’e mak halo sira sai amizade liu-tan no hatudu sira nia ksolok sinodalidade/servisu hamutuk iha momentu ne’eba, hafoin ida ne’e taka ho orasaun ne’ebe guia husi Ir.Agostinha FMA. Atividade hirak ne’e hotu hodi limpeza hamutuk no halo ambiente sai mos.
Obrigada barak ba ita nia servisu hamutuk.
Ir. Veronica, Nov.Crecencia no Nov.Francelina


