DON BOSCO NIA POLÍTIKA “AMI AMAN”
Dili – Ohin dia 9 de Febreiro ho ksolok no entuziasmu animadores husi sentru oratoriu ruanulu-resin-rua (22) SDB no FMA nian iha zona 4:Dili-Maliana halao Formasaun Zonal ba dahuluk iha tinan 2020 nian. Iha formasaun ne’e lidera husi Pe. Cesar Joaquim da Costa, SDB no Me. Julia Marçal, FMA. Iha Animadores hamutuk Atus rua sanulu (210) hamutuk ho Padre, Madre, Frater no formande FMA sira. Enkontru halao iha salaun CPN. Enkontru hahu ho Misa, Pe. Cesar ba preside. Hotu tiha Misa kontinua ho formasaun.Iha formasaun ne’e Me. Julia fo introdusaun, tuir mai Pe. Cesar mak kontinua. Padre dehan: “ohin ita sei hare kona ba Dom Bosco nia Politika ‘ami Aman’. Molok ita hakat ba DB nia hanoin, mai ita hare uluk Amo Papa Francisco nia hanoin kona ba orasaun Ami Aman. Amo Papa dehan: “Ó labele dehan: Ami, Se ó moris somente iha de’it Egoismo. Ó labele dehan: Aman, Se lor-loron ó la comporta nu’udar oan ida. Ó labele dehan: be iha lalehan Se ó hanoin de’it ba sasan rai nian. Ó labele dehan: halo Ita nia reino, Se ó confundi ho sucesso material nian. Ó labele dehan: Ita nia hakaran halo tuir ba, Se ó la aceita wainhira iha situação terus nia laran. Ó labele dehan: haraik perdão mai ami salan, Se ó la pronto atu perdua ema seluk. Ó labele dehan: labele husik ami monu ba tentação, Se ó continua moris iha ambiguidade/dúvida/incerteza nia laran. Ó labele dehan: hasai ami hosi aat,.Se ó la luta hasoru buat aat ka babeur satanas sira nian. Ó labele dehan: Amen, Se ó la tau iha prática ho seriedade liafuan sira husi AMI AMAN.
Iha tinan 1867 Papa Pio IX husu ba Don Bosco “Ho polítika saida mak ita boot bele hasoru problema sira ne’e hotu?” Don Bosco nia resposta: “Hau nia política mak hanesan mos ho Sua Santidade nia política. Ne’e mak política “Ami Aman”. Iha “Ami Aman” ita harohan lor-loron ‘halo Ita nia reino, oh Aman lalehan, too mai iha rai’, habelar iha rai, atu ema bele sente liu tan, sai moris liu tan, kbiit makas liu tan no glorioso: Adveniat regnum tuum! Ida ne’e mak buat nebé importante liu. Saida los mak política «Ami Aman» ne’e? Política ida ne’ebé la’os atu buka cadeira/posição,Bolu ita atu hatudu respeito ba autoridade, Husu ita atu moris tuir lei, Halo diak ba foin-sa’e sira hodi salva sira nia klamar”
Bukae furak ba foin sae lubuk ida ne’ebe ohin hetan privileju bo’ot atu partesipa iha formasaun ida ne’e. husu Maromak nia bensaun ba sira atu kontinua habelar politika ida ne’e ba sira nia maluk sira ne’ebe sira hasoru iha teritorio hotu ne’ebe sira ba. Saun João Bosco no Santa Maria Mazzarello harohan mai ami, Maria Sarani sira nia tulun harohan mai ami. Obrigada.
(Noemia de Deus FMA)
