Dili/Balide – Fuan ne’ebé hatene hadomi mak fuan ne’ebé hatene agradese, nune’e ohin, 6 Outubru, mak loron Agradesimentu komunidade nian ba tinan ida ne’e. Preparasaun ba Festa ne’e semana rua antes tiha ona, iha ne’ebé ami hahú ho orasaun loron-loron nian ba Irman ida-idak, menina sira, foinsa’e, kolaboradores, Nailulik sira, benfeitores no ema hotu ne’ebé envolve iha ami nia komunidade nia moris iha tinan ne’e. Maibe tamba akontesimentu ruma ne’ebé ami la hein, nune’e ohin de’it mak ami realiza Festa ne’e.
Festa ne’e halao simple de’it la tuir planu, tamba estudante kursu sira ba ona estajiu. Festa hahú ho Missa iha dader, hafoin momentu konfraternizasaun iha kalan; maibe molok ne’e, iha vesperas no tersu hamutuk ho menina no kolaboradores sira.
Momentu divertimentu nian, iha atraksi husi grupu ida–idak, menina, postulante no irmán sira no mos kolaboradores sira. Selebrasaun simple iha ne’ebé ami fahe ba malu ksolok, domin no agradesimentu ba di’ak hotu ne’ebé Maromak permite atu ami fahe no koko iha ami nia moris hamutuk. Momentu mos atu husu perdaun ba frakeza no fallansu sira.
Obrigada barak ba Me. Evangelina ne’ebé nudar bin no inan hodi anima komunidade nia la’o dalan. Obrigada mos ba menina, postulante, Irman ida-idak, kolaboradores no ema hotu nia kontribuisaun iha moris hamutuk ida ne’e.
GRAZIE … OBRIGADA … THANK YOU …
Komunidade DB Balide
