United World College of South East Asia mak membru ida United World College Movement (UWC) nian. UWC iha eskola 13 no colleges iha kontinente lima. UWC colleges no programa sira ne’ebé iha, fó edukasaun dezafiadór (challenging) no esperiénsia transformativu ba estudante lubuk oioin, hodi inspira no kria futuru ida dame nian no mós sustentavel.
Initiative for Peace (IFP) funda iha 2002 husi grupu ida estudante no profesór sira UWC nian. Liuhusi IFP, ne’ebé estudante sira planu durante tinan ida no fasilita liuhusi konferénsia durante semana ida ba foin-sa’e sira iha nasaun sira konflitu no pos-konflitu nian, ninia objetivu mak atu kria konferénsia sira gia husi foin-sa’e sira iha mundu tomak ba dame.
Husi kedas tinan 2007 foku konferénsia nian mak Timor- Leste. Konferénsia tolu (2007-2009) hala’o iha Bali, Indonesia no husi 2010 to’o 2013 iha Dili, Timor-Leste iha Centro de Formação João Paulo II, Comoro, Dili, Timor Leste. Irmán Saleziana sira iha Centro oferese ambiente ne’ebé seguru no hakmatek hodi nune’e estudente UWCSEA nian no estudante partisipante Timór-oan sira bele serbisu hamutuk.
Iha semana ne’e nia laran grupu ida kompostu ho estudente 25 no staff 5 husi UWCSEA maizomenus husi nasaun 20 servisu ho delegadu Timór-oan foin-sa’e na’in 40 husi tinan 16-20 halibur iha Dili, iha Centro Formação João Paulo II. Sira hahú sira-nia esperiénsia husi 17-23 Juñu, 2012. Delegadu Timór-oan sira no fasilitadór husi UWCSEA foka kona-ba tópiku barak: husi “public speaking and presentation skills, leadership, discussions on global issues, good governance, and planning of community service initiatives”. Konferénsia nia objetivu mak tulun partisipante Timór-oan sira atu uza skills sira ne’ebé aprende ona iha konferénsia no tau sira-nia ideia ba asaun atu bel ekontribui ho modu pozitivu ba sira-nia nasaun nia futuru.
Foin-sa’e Timór-oan sira ne’ebé tuir esperiénsia haksolok tebes ho oportunidade ida-ne’e, ne’ebé lori sira atu aprende sai protaonista ba dame no mós loke sira nia vizaun boot liután ba mundu, hodi kria mós amidade foun ho foin-sa’e rai seluk nian.
