Roma – “Tempu ida grasa nian no prezensa Espíritu nian” mak esperiénsia Kapítulu Jerál XXIII ne’ebé remata ohin, 15 Novembru, festa litúrjika Beata Maddalena Morano nian, Edukadora ‘Filha de Maria Auxiliadora’, ne’ebé orienta nia an tomak ba domin.
Tema “Sai ohin ho foin-sa’e sira uma ne’ebé evanjeliza” akompaña esperiénsia Kapítulu nian ne’ebé dura semana ualu, hodi envolve iha vida fraterna no reflesaun /estudu, orasaun no rraronak /konfrontu no soi ninia sínteze iha Dokumentu kapitulár “Hateke dook no kle’an” no subtítulu: “Ho foiin-sa’e sira, misionáriu ksolok no esperansa nain”.
Durante dadeer, Madre M. Yvonne Reungoat, aprezenta ba Kapitulár sira ninia diskursu enserramentu nian hodi dehan: «Ita selebra enserramentu enkontru mundiál karizmátiku no boot ne’e katak Kapítulu Jerál XXIII. Ita loke fuan ba gratidaun tan rikusoin esperiénsia nian ita moris no fahe. Tikusoin ida ne’ebé ita deskobre ho modu progresivu bainhira ita fila ona ba moris loroloron nian. Ita moris esperiénsia ida halo ho raronak resíproku, diálogu, babukak, dixernimentu, orasaun, iuliu esperansa. Ita koko mantein vizaun luan Kapítulu tomak, hodi konjuga ho dezafiu sira situasaun lokál nian. Kapítulu iha ninia dezenvolvimentu sai tempu forte ida formasaun permanente no, ho serteza, buat ruma muda iha ita».
Madre Yvonne fó hanoin momentu fundamentál sira hodi destaka elementu sira ne’ebé karakteriza nia: Espíritu Santu, protagonista sielnsiozu Kapítulu nian, ksolok enkontru nian ho Jezús, beleza atu harii hamutuk, audázia misionária. Nia remata: «Ha’u sente nesesidade atu hafoun ha’u-nia obrigada barak ba imi ida-idak. Ita partilla ksolok no terus, hodi rona malu, hodi hamutuk rona Na’i no ho Nia mundu nia hakilar, foin-sa’e sira-nian, ita-nia komunidade edukativa sira-nian. KJ XXIII mak laboratório boot ida interkulturalidade nian iha espíritu família nian, iha-ne’ebé ema ida-idak nia kolaborasaun hariku babukak komún no kontinua tahan no konforta ita-nia dalan. Obrigada ba don ne’ebé imi sai mai ha’u, ba Institutu no ba imi-nia Nasaun. Hodi husik Espíritu Santu no Maria Ausiliadora gia, ita kontinua ho korajem habiit ita-nia fidelidade ba Na’i Jezús, domin predilesaun nian ba foin-sa’e sira, komuñaun entre ita, atu halo ita-nia prezensa sai profétika iha mundu no iha Kreda. Mai ita hakerek hamutuk pájin afoun ida santidade evanjelizadora iha Institutu no iha Kreda ohin nian».
Iha Asembleia, Kapitulár sira halo sira-nia kompromisu kapitulár ikus ho asinatura verbál sira-nian.
Remata dadeer, iha selebrasaun eukarístika ne’ebé P. Ángel Fernández Artime, Susesór da-10 Don Bosco nian mak prezide. Introdusaun fó hanoin fali, liuhusi koreografia ida, epizósiu Emaús nian (Lc 24, 13-33), íkone ne’ebé akompaña eventu kapitulár hahú kedas husi ninia preparasaun no agora kontinua sai fiu kondutór Dokumentu Kapitulár nian ne’ebé kompromete atu observa ho atensaun sinál sira Maromak nian no rona hakilar sira husi ita-nia realidade sira.
Iha omilia,Reitor-Mor afirma: «Ha’u bele imajina imi moris ho intensidade loron sira Kapítulu Jerál nian ho fuan nafatin lakan. Iha efeitu, imi nia fuan la lakan iha loron sira ne’e? Imi moris loron ezijente barak, nó kolen mós. Konserteza, ho fuan nakloke, imi rona movimentu sira Espíritu nian no “imi hateke dook no kle’an atu rekoñese nesesidade loos liu no urjénsia sira sosiedade no jerasaun ida iha mudansa”, hanesan Papa Francisco husu ba imi. Agora, imi tenke bá ho lais ba imi-nia inspetoria no uma sira, no halo atu bele to’o iha ne’ebá beleza esperiénsia kapitulár nian». Tuirmai, nia halo votus ba Kapitulár sira: «Maria, Inan , Mestra no Auziliadora, tulun imi atu sai ohin ho foin-sa’e sira uma ne’ebé evanjeliza no loke fuan ba esperansa».
Eukaristia hahí no agradesimentu nian, Madre Jerál nia liafuan sira no kumprimentu obrigasaun sira Sekretaria nian taka Kapítulu Jerál XXIII.
